NOJ PEB CAUG

 

1. Noj Peb Caug

Noj peb caug yog ib txoj kev ntseeg ua peb haiv hmoob poj ua tseg yawm ua cais ib txwm noj lo lawm, chiv keeb huam yuaj ntawm kev noj peb caug yog:

....... Dab neeg kev noj peb caug (tseem yuav kho)

 

1.1  Kev Npaj Noj Peb Caug

N         Noj peb caug yuav tau npaj li hauv qab no:

      1.   Npaj ib res xyoob thiab muab ib txog khaub hlab liab khi rau

      2.    Txaug ib cov xav txheej yuav coj los lo ncig vaj ncig tsev (foob yeem)

      3.     Npaj ib khub qaib hu plig (tug poj tug lau)

      4.     Npaj ib cov qe, seb yus tsev neeg muaj tsawg leej npaj npaum ntawv lub nrog rau ib lub tais txhuv yuav muab cov qe teeb rau hauv , txawm ntau tsaj lo haj yam zoo

      5.     Npaj ob tus qaib coj los tua laig dab thaum hmo noj peb caug thiab ib tug thaum 3 tag ki yuav xaus tsiab peb caug.

      6.     Tuav ncuav puab thawj lub loj dua cov tseg txog thaum 3 tag ki yuav coj los laig

 

1.2  Nkaum Toj Qaib

Peb tsob hmoob vaj (Vaj Ntxoo - Noob Kooj Neeb) no peb tsis nkaum toj qaib, peb cais li foob yeem tag ces hu plig peb caug lawm xwb.

Peb tsob hmoob vaj (Vaj Ntxoo - Noob Kooj Neeb) no tsis nkaum toj qaib, vim tias peb poj koob yawm txwv tsis muaj sub sib ntau sib tuas nrog puj sub thiab yawm sub. Peb hmoob vaj ntxoo tu sub yog lo ntawm qhov tus phauj npliag ntsaim tuaj saib yawg kooj neeb es tuaj yug me nyuam hauv tsev xwb.

Xav paub ntau tshaj no nkag mu saib "NEEB SAU SUB PEB CAUG THIAB NEEB NTAWV" 

1.3  Foob Yeem Noj Peb Caug

Kev foob yeem noj peb caug yuav tau npaj li hauv qab no:

Hmo yuav noj peb caug ntawv ua ntej yuav foob yeem mas yuav tsum mu txiav ib reg xyoob lo, thiab muab ib txoj khaub hlab liab khis rau re xyoob ntawv, vim yuav siv re xyoob ntawv mu cheb nkhawb thiab nplawm.

Cheb hauv txaj tawm lo mu rau tom tag, cheb tom tag lo mu rau rooj txuas, mam cheb ntawm rooj txua tawm lo mu rau nram qhov rooj tag. 

# Cov lus ua ntej yuav cheb hai li nram qab no:

-     Hmo no xyoo lau tag, tag kis xyoo tshiab yuav tawm tuaj, lub niaj tag nrhawv  lub xyoo tag nrhos kuv yuav hai rau niam txiv ncej dab ncej qhua, xwb kab, tuam txiaj meej , lwm txhiaj meej, ib xyoo 12 lub hli niam nkauj hnub kav lub niaj, hmo no tav lub niaj, niam nkauj hnub yuav muab lub xyoo lau coj mu dua toj, tag kis rov kaj ntug niam nkauj hnub yuav muab lub xyoo tshiab lo tsav noob neej ua noj, 

-    Txiv nraug hli kav lub xyoo, txiv nraug hli yuav muab lub xyoo laus coj mu rau nraum hav, hmo no txiv nraug hli yuav coj lub xyoo tshiab tuaj saib noob neej ua hnav.  

-    Kuv yuav hai rau niam txiv ncej dab ncej qhua, xwm kab txiaj meej, niam txiv ncej cub ncej txos,  xyoo lau tag xyoo tshiab tuaj lawm kuv yauv muab tu xyoob no coj lo cheb lub vaj, luag hai tia cheb lub vaj cheb kom kaj, cheb lub loog cheb kom zoo, kuv cheb saum yaj ... nej cheb nruab yeeb nawb.

    # Thaum hai li no tag ces koj mam pib cheb, Cov lus cheb hai li no:  

-    Kuv tsi cheb plig tub plig kiv, tsi cheb pig niam pig txiv, tsi cheb ntaub noj ntawv haus, tsis cheb plig qoob plig loos, tsi cheb plig nyiaj plig kub, tsis cheb rooj noj, tsis cheb rooj haus, yuav tsi cheb txiaj meej pem xeeb niam txiv ncej dab ncej qhua nawb.

-    Kuv yuav cheb tu vij npau ntub heev tu swv npau suav ntau, cheb tu vij ua mob tu swv ua nkeeg, cheb 12 haiv mob cheb 12 haiv ntsaj, cheb vij sub tawg swv sub ntsha, cheb khawv yeej khawv yws, cheb khawv txiv khawv kum, cheb ncauj nplaig qhauv lig, Kuv yuav cheb kaum vaj yuav cheb kaum tsev, tu vij nyob sawm ntab coj mu nce kab, cheb tu vij nyob kaum tsev coj mu nce kev, cheb tawm rooj tawm ntsa, yuav cheb mu rau hnub coog hli kawg, cheb mu rau ntuj sab nraum ub teb sab nraum is, cheb mu rau sab ntuj tsi muaj hnub teb tsis muaj hlis ... mu rau dej kub hlua taw hlawv kom ntsej tsi hnov muag tsi pom aud..! 

Thaum cheb tag li no lawm ce nqa re xyoob tawm nram qhov rooj tag coj mu pov tseg rau  sab hnub poob lawm xwb.

Tom qab no ce yog npaj tau ntawv xov txheej ce muab coj mu los rau tej khoom ua ib txwm siv lo lawm  … ce yog qhia tau tia noj peb caug lawm.

Hmoob laus thaum ub yog foob yeem tag lawm ces yuav caiv 3 hnub, thiab yuav tau caiv li hauv qab no:

-          Tsis pub noj mov ntses dej (Ntse kuas nqaij-kuas zaub)

-      Tsis pub ntov dej hauv tsev

-          Tsis pub siv nyiaj

-          Tsis pub sib cav sib ceg

-      Tsis pub yawm tsev pov tseg

-      Tsis pub zaib khaub ncaws nraum zoov

-        Muaj ntau ntau yam nyias yuav tau paub nyias es txhob sib txib sib hais lawm, kom sawv daws nyias paub nyias li hauj lwm

Tab sis txheej tshiab no ces peb hmoob twb tsis caiv tej niag kev caiv no lawm vim lub neej hloov mu lawm caiv tsis tau.

Qhia Kom Paub, Yawg Yeej Koob yog tu piav:

 -  Qhov tsis pub noj mov ntses dej thiab tsis pub ntov dej hauv tsev no peb hmoob laus ntseeg tias yog noj mov ntse dej thiab ntov dej hauv tsev thaum noj peb caug ces tsam lwm hnub yus mus ua liaj ua teb es ntuj phej los los nag rau hnub yus mus ua liaj ua teb no xwb, qhov no tsis muaj ab tsis caiv lawm, raws li kev kawm paub ntawm txheej no qhia tau tia ntuj lo nag thiab tsis lo ntawv yog tim huab tim cuas thiab lub caij lub nyoog xwb (qhov no tsis caiv lo tsis muaj ab tsis txhaum lawm).

- Qhov tsis pub siv nyiaj thiab tsis pub sib cav sib ceg ntawv ces yog xav kom sawv daws txhob muaj tu cwj pwm siv nyiaj luam thuam kom khaw tau nyiaj tseg xwb thiab tsis txhob sib cav sib ceg xwb, vim tej laus ntseeg tias yog yus caiv 3 hnub tau ces tej zaum yuav ua rau yus txuag tau thiab yus siab ntev tau no xwb (tej no tsis muaj kev txhaum ab tsis, caiv tau ce caiv lo haj yam zoo, caiv tsis tau tsis caiv lo yeej tsis txhaum ab tsis).

- Qhov tsis pub yawm tsev pov tseg tej laus ntseeg tias yog yawm tsev pov tseg ces tsam hos yawm tau koob hmoov lawm no xwb (txheej tshiab no tsis caiv lawm lo tau vim kev ua kev nyiam huv yog ib qhos tseem ceeb).

- Qhov tsis pub zaib khaub ncaws nraum zoov ntawv tej lau ntseeg tia yog yu tsis caiv ces laij dav phej lo muab muab yu tej qaib tej os (yog koj tsis yug tsiaj lawm ces tsis caiv lawm lo tau - thiab txheej tshiab no tsis muaj liaj tsi muaj dav lawm).

- Foom yeem yog ab tsis? 

Foob yeem yog ib txoj kev ntseeg ua tej laus ib txwm ntseeg los lawm hais tias 3 hnub ua noj peb caug ntawv tus txiv tsev tau tsos dab vaj dab tseg mus noj peb caug lawm, ces thiaj yuav tau ua cov ntawv xov txheej coj lo los rau tej khoom vaj khoom tsev thiab ncig tsev, kom dab txeej dab qus txhob los hauv vaj hauv tsev, tom qab peb hnub xaus tsiab tas lawm ces dab vaj dab tsev rov qab los zov tsev lawm, thaum xau noj tsiab tag (tom qab 3 hnub) lawm ces koj muab cov ntawv tev pov tseg lo tau (yog koj cias nyob los yeej tsis ua li cas).

1.4  Hu Plig Peb Caug

Mu saib qhov "Kev Hu Plig" (1.1)

1.5  Xwm Kab 

Hmoob Vaj Ntxoo (Noob Kooj Neeb) tsi muaj tu xwm kab.

Yawg Vam Lauj thiab Yawg Yeej Koob nyob Meka piav tia: 

Keeb kwm ntawm txoj kev ntseeg yog, Hnov tej lau tham tseg tia thaum ub yawg kooj neeb txiv yuav 2 tug niam, Tu niam yau yog mu yuav ntawm hmoob thoj lo yog hmoob thoj tu nyab (Hmoob thoj tu tub tag sim neej lawm), thaum yuav lo ntawv yeej paub tia tu nyab ntawv (tu niam yau ntawv teeg me nyuam lawm) tab si hmoob thoj tsi saws tu me nyuam lawm, lawv yeej qua tus me nyuam nrog tu nyab lawm (Thaum mu ua rau tswv tsab noj ntawv hmoob thoj qua nrog lawm).

Tom qab no tu me nyuam ntawv loj tuaj ce yog me nyuam hmoob vaj, tu me nyuam ntawv yog yawg kooj neeb, yawg kooj neeb no yog ib tug paub tab paub dab paub qhua heev, yawg kooj neeb kuj muaj 2 tug poj niam thiab. Thaum ntej yawg kooj neeb yeej teev muaj xwm kab thiab, tom qab no yawg kooj neeb muaj mob muaj nkeeg mu saib cuaj neeb kaum tsawv lo hai tia yog tim tu txiv hmoob thoj rov qab lo kaub kom nws rov mu ua hmoob thoj, vim yawg kooj neeb muaj 2 tug pojniam-muaj 2 lub tsev (niam loj 1 lub, niam yau 1 lub) thaum cuaj neeb kaum tsawv lo hai li ntawv lawm, yawg kooj neeb tsi mu ua hmoob thoj tab si nws muab niam yau lub tsev teev dab qhua hmoob thoj, Niam yau lub tsev thiaj tsi muaj xwm kab vim tia tu txiv tsev yog tib tug xwb ce cia teev pem niam loj tsev xwb, nram niam yau tsev tsi teev. Tom qab no yawg kooj neeb cov tub ua yog niam yaus cov tub muab nyab tawm tsev ces lawv cias lis tsi teev tu xwm kab lawm thiab, vim tia hauv tsev yeej tsi teev. Ce pab hmoob vaj ntxoo noob kooj neeb ua yog niam yau cov tu ce thiaj li tsi teev xwb kab lo lawm.

Tsev hmoob vaj ntxoo – Noob kooj neeb no muaj tu puav teev xwm kab, vim muaj mob muaj nkeeg cuaj neeb kaum tsawv yeej hai tia yog tu xwm kab lo thawj yuav tau teev no es teem rau haum lawm tsi muaj mob muaj nkeeg lawm ma thiaj teev xwb. yog tu txiv tsev teev es tu txiv tsev hos tag sim neej lawm cov tub cov kis cia li muab dua pov tseg lawm xwb, cov tub cov kiv lo kuj tsi teev thiab lo qaig txog tu twg tu ntawv thiaj mam teev xwb.

Kev Txis Xwm Kab (Yog Qiag Txog):

Kev txis tus xwm kab, koj nyiam txis xwm kab txis 2 tom lo tau, txis 1 tom xwb los tau. Yog txis 2 tom ces txis thaum tus qaib tseem ciaj ib zaug, tom qab ua tus qaib siav lawm mam coj mu txis dua ib zaug. Yog txis ib tom xwb ce tua tus qaib vom kom siav siav lawm mam coj los txis kiag lawm xwb. Muaj ntau xeem hmoob tsis pub tus qaib xwm kab no rau cov ntxhais noj, tab sis peb tsev hmoob no peb tsis caiv, tub, ntxhais, nyab, qhua tuaj sab nrauv tuaj leej twg lo noj tau tag.

Tu Qaib thaum tsis tau tus ce = hu ua “Tsiaj nom koob cib” (hu ua ib tug laus qaib no lo yeej tau ib yam)

Txis xwm kab yuav tau sawv lo txis thaum yuav luag kaj ntug (3:30 AM) Hmo noj peb caug ntawv mas thiaj yog lub sij hawm zoo (Txhob txis kiag hmo ntawv, vim hmo ntawv yog hmo hli tag lawm).

Muaj ib txhais kuj hais ua lus coj naim (tej laus hai tia lus suav) no, tab sis tsis hais li lo tau cai li hai lus yooj yim xwb:

Ua ntej koj yuav mu muab lub raj xyab qub tshem, koj hlawv 3 tswm xyab rau ce koj hai li no:

=> Od.. koj niag xwm kab lo pov txiaj od, tshaj xyab kuv tsi lam hlawv, tshaj sim kuv tsi lam ntob, Hnub no mas xyoo lau tas xyoo tshaib tawm tuaj kuv yuav hloov txij hloov kom hloov zaj hloov zuag rau koj xwm kab lo pov txiaj od, mas kuv yuav muaj 3 tswm xyab no lo ceeb toom rau koj xwm kab lo pov txiaj, dab vaj dab tsev mas koj txhob ceeb txhob ntshias od, koj mus nyob yee nthab yee tsev tos nawb, kuv ua nqaij ua hnos siav mas kuv yuav lo teev lo tiam koj od!!”

Tag li no ce muab 3 tswm xyab txhos rau sauv ce muab hloov lub tshiab rau (ib plaig li 10 tawm feeb) ce koj npaj:

-          3 Tswm xyab (Ib teg xyab lo yeej tau, tsawg tu lo tau tsis ua ca)

-          2 cob ntawv

-          1 tug laus qaib (Lau qaib laib – Qua qaws, qaib dawb lo tau)

-          1 riag xav txheej

Ce koj mam rov hlawv 3 tswm xyab thiab nqa tu qaib lo ces rov lo ua tia:

=> “ Od .. hnub no tshaj xyab kuv tsis lam hloov tshaj xim kuv tsis lam ntob, hnub no mas xyoo lau tag xyoo tshiab tawm tuaj, kuv yuav hloov txij hloov kom hloov zaj hlov zuag rau koj niag xwb kab lo pov txiaj, mas hnub no tshaj xyab kuv muaj 3 tswm, muaj ib tug Tsiaj nom koob cib, ntawv muaj 2 com xav txheej muaj 1 riag, coj lo teev lo tiam koj xwm kab lo pov txiaj, mas txus teev mas txus leej, txus tiam mas txus zoo, yuav teev tiam koj los pov hwm tub pov hwm kis, pov hwm niam pov hwm txiv, lo pwv hwm nyiaj pov hwm txiaj, lo pov hwm txiaj pov hwm txuv, pwv hwm vaj pwv hwm tsev, pov hwm vaj pov hwm loog nawb.. neej lo mas rub zog rau nruab nrab … dab txeej dab qus lo mas kwv rooj kwv qws ntau rau 9 txog kab, neej lo mas rub zog rau hauv tsev, dab txeej dab qus lo mas kwv rooj kwv qws ntau rau txhua txoj kev .. Kuv ib 1 tse 20 leej ncig laj fab, pem fab, thoob fab xib fab .. kom mu kaj mu tus.. mus ua lag ua luam kom tau lag tau luam, mu khwv nyiaj khwv txiaj kom tau nyiaj tau txij ntag nawb… kuv khwv tau noj tau hau, muaj nyiaj muaj txiaj noj tsis tag siv tsi txog kuv yuav covj mus pab zej, pab zos, pab kwv, pab tij, pab neej, pab tsav, ntag nawb.

Tag no ce muab tu qaib tuas, ces muab cov plaub coj lo los rau:

-          Los 3 tees rau sab sauv (zoo li 2 lub qhov muag thiab lub hauv pliaj)

-          Los 2 tees rau sab hauv (Zoo li 2 lub qhov qhov ntswg)

Qhov los no ces lam los kom zoo nkauj thiab zoo lis lub ntsej muag hmoob xwb (Los li ntawv xwb) koj nyiam li cas lo yeej tau (los ywj koj saib nyiam tau).

Thaum ua siav lawm ce, muab tu qaib hau lo rau lub phaj, hai ib tiag mov, ib tiag kuas thiab ib rab diav los npaj txis, thaum npaj tau li no lawm ce coj lo txawb ntawm lub qab thaj ce pib li no xwb:

=> “ Od .. hnub no tshaj xyab kuv tsis lam hloov tshaj xim kuv tsis lam ntob, hnub no mas xyoo lau tag xyoo tshiab tawm tuaj, hnub no zoo hnub hmo no zoo hmo, kuv ua nqiaj ua hnov siav lawm mas yuav hu koj lo lees nqaij lee hnov nawb, yuav lo pov hwm nyiaj pov hwm txiaj, pov hwm tsiaj pov hwm txuv, pwv hwm vaj pwv hwm tsev, pov hwm vaj pov hwm loog nawb.. neej lo mas rub zog rau nruab nrab … dab txeej dab qus lo mas kwv rooj kwv qws ntau rau 9 txog kab, neej lo mas rub zog rau hauv tsev, dab txeej dab qus lo mas kwv rooj kwv qws ntau rau txhua txoj kev .. Kuv ib 1 tse 20 leej ncig laj fab, pem fab, thoob fab xib fab .. kom mu kaj mu tus.. mus ua lag ua luam kom tau lag tau luam, mu khwv nyiaj khwv txiaj kom tau nyiaj tau txij ntag nawb… kuv khwv tau noj tau hau, muaj nyiaj muaj txiaj noj tsis tag siv tsi txog kuv yuav covj mus pab zej, pab zos, pab kwv, pab tij, pab neej, pab tsav, ntag nawb (Ce koj muab qhov nqaij, thiab qhov mov thiab cov kuas hliv rau pem lub thaj xwb)

 

=> Koj lees nqaij lee hno tag lawm mas koj yuav lo lee nyiaj lee txiaj nawb … (Muab 2 com ntawv thiab cov xav txheej hlawv rau) .. ce hai ib yam laig nqaij laig hnos sawv xwb.

Tag li no lawm xwb …. Yog zaub noj muaj ntau ce muab tu qaib cais 3 tag kis mam muab coj lo hau noj xwb, yog tsis muaj nqaij noj ces muab txhoov tsuag tsuag noj lawm xwb lo yeej tau (Tej laus thaum ub mas muab tus qaib dais pem tus xwm kab, tab sis txheej no ces muab tso rau hauv tub txias lawm xwb lo tau).

Muaj ntau tsob hmoob hais ua lus coj naim (Lus suav) tab sis peb tsev hmoob vaj no vim ib txwm peb tsis txis xwm kab, Qiag txog mam teev xwb ce peb tsis txawj-tsis paub ua li lwm tsob hmoob uas ce peb hais yooj yooj yim xwb.

1.6  Laig Poj Yawm Txwv Koob Hmo Noj Peb Caug (Npw Poj Npw Yawm)

Kev laig poj yawm txwv koob ntawm hmoob vaj ntxoo (Noob kooj neeb) no peb tsi laig phaj yawg thiab phaj yawg koob lawm. Peb laig txij li phaj txiv thiab phaj niam rov qab lo rau yu phaj  mu rau cov tu kis xwb.

Laig phaj txiv tag ces mam laig phaj niam, laig yu phaj (Laig cov tub tag ce laig cov nyab), ce mam laig phaj tub mu rau phaj ntxhai … mu rau cov xeeb leej xeeb ntxwv yog muaj:

Phaj 1: Txiv thiab Niam

Phaj 2: Yu Phaj (Txiv neej - Poj naim)

Phaj 3: Phaj tub-ntxhais

Phaj 4: Xeeb leej – xeeb ntawv .. (Yog tsi muaj ce tsi laig)

Phaj 5: Laig cov tsi paub npe (thiab hu tsis txog npe lo kom los)

Phaj 6: Laig dab vaj dab tsev (Txhiaj meej pem xeeb, ncej cub ncej tas, dab rooj tag rooj txuas)

Phaj 7: Laig tim tswv teb chaws dab teb dab chaws 

Npaj ib taig nqaij thiab mov, muab rau hauv pem teb ntawm qhov chawm noj mov, tso ib co tog rau thiab muab cov diav txho ncig rau. Npaj ib lub npaj lo laig rau hauv.

Cov Lus Laig Muaj Li Nram Qab No:

=> “Heb os niam nob…! Yawg ….. xyau lau tag xyoo tshiab tawm tuaj .. kuv noj tsiab noj txhu noj peb caug tua qaib noj .. kuv yuav npw yuav laig koj lau  koj tuaj txai noj txai hau thiaj tau noj tau hau .. … koj tuaj noj ce noj nti mob hau nti ntsaj nti hleb rag hle rawg .. nti kua muag iab kua muag daw ntis kws txaij kw nraug nti sub tawg sub ntsha mu rau ntxwj nyoog 9 ntsuag kev si xw… koj pov hwm pov yawm kuv … ib tsev 20 leej kom phwv puaj toog ncig li yeev qab nra dhau hauv nra .. ua qoob ua loo tsi pub hmab dawm te hlua dawm taw … ua tau noj tau hau noj hno yuav xub qaij dia … hau cawv yuav xub qaij khob … yuav xub npws xub laig koj lau ncauj .. koj lo noj lo hau kuv … li noj li hau no heb hes …!!”.

Qhia Kom Paub: 

    Cov Tuag mus lawm ua tsis tau tso plig thiab tsi tau xis ces tsis laig, tab sis yog neeg tsev ces cias li txhos diav ces cia li hu ib los xwb (Kev hu no tu twg tsis yog neeg tsev ces tsis hu).

1.7  Laig Xau Noj Tsiab Noj Txhuv

Qhia Kom Paub, Yawg Vam Lauj yog tu piav:  

Kev xaus noj tsiab noj txuv no yog laig ib yam laig noj peb caug es hloov lo lus tia "Xau tsiab xau txuv" xwb no ces yog tus laig ntawv tsis paub txheej txeem kev xau noj tsiab tiag, nws pom luag ua ces nws lam ua lawm xwb nws tsis paub lub ntsiab ntawm kev xaus no tshiab.

Laig xau noj tsiab lub ntsiab tiag tiag yog laig tus moos dab qhuas tias xyoo no tsua noj li no lawm xwb, lwm xyoo mam rov noj duas, es yu tu txiv tsev yuav thov koob thov hmoov ntawm tej niam tej txiv, tej dab vaj dab tsev thiab tim tswv teb chaws.

 Kev laig xau tsiab yuav tau laig ncuav ua ntej thaum laig ncuav tag ce mam lo laig xau tsiab, thaum laig ncuav lub npe ncuav hu ua “Kiab siab tsiab” no nawb thaum laig tsi hu ua ncuav no lawm.

Muab 12 rab diav lo txhos rau tais mov ncig lees, koj tuav ib rab diav, des nqaij rau dau kua nqaij rau.

Cov lus Laig Xau Noj Tsiab:

=>" Heb os.. Txiv os ... Ntuj xiab li xiab tsiab peb tag kis xiab peb tawm tuaj noj tsiab peb caug, ntuj xiab li xiab tsiab ua nqaij ua hno siav yuav hu koj tuaj noj xau tsiab xau txhuv ... koj tuaj ces koj coj plig qoob plig loos, plig tsiaj plig txuv, plig nyiaj plig txiaj, plig tub plig kiv, rooj noj rooj haus tuaj txhawb kuv 

=> kom kuv ua qoob ua loos lo puv txhab, tu tsiaj tu txhuv lo puv nkuaj, khwv nyiaj khwv txiaj kom lo puv hnab, tu tub tu kiv kom huaj vam, tub hlob kom tub paub tab, ntxhai hlob kom paub cais, tub hlub yuav lo tuav ncej dab, ntxhai hlob kom tau tiam qhua, yuav lo ua hmoob poj hmoob yawm, yuav lo zaum saum rooj ntaub rooj ntawv, yuav lo zaum saum rooj nqaig rooj hno. 

=> Xyoo no kuv siv nyiaj mu rau sawm mab saum suav ib feeb mas koj mu ua mab suav siab kom xyoo tshiab tuaj kom mab suav xa pua-pua vam-vam txhiab tuaj, kuv siv mu ib feeb kom tau lo txheeb vam vam txheeb, kuv siv mu lawm ib choj kom nej mu ua mab suav siab kom luag coj tuaj rau kuv txheeb-txheeb vam-vam choj, kuv siv mu lawm ib phav kom lo txheeb-txheeb vam-vam phav

=> kuv ws laws qoob rau nruab tiag kom qoob ntsuab xaib li zoo nuj xiab, kuv ws laws qoob rau nruab roob kom qoob  loos tshuab xiab cuag zoo nuj txeeg, tsiaj kom lo puv nkuaj, qoob loos kom lo puv txhab, kom kuv noj tsi tshaib hau tsi nqhis kuv tau coj mu pub zej pub zos noj xab nyeej rov lwm xyoo kuv yuav rov hu nej tuaj no 

=> kom kuv tsev neeg noj qab nyob zoo, khwv nyiaj tau nyiaj, khwv kub tau kub, kawm txuj kom tau txuj, kawm ci kom tau ci ... ib xyoo 12 lub hli xab nyeej rov lwm xyoo mam rov hu tej tuaj noj dua ...!!!.

=> Neej cias cias siab - dab cias cais sau, neej yuav tus kab - dab yuav tu kev, yuav noj yuav haus cia xaj nyeej rov lwm zaus,. Neej cia cia siab - dab cia cia zoo, neej yuav tu kev, dab yuav tu moo, yuav noj yuav cia xab nyeej rov lwm xyoo... heb hes (hliv kiag diav mov)   

      Ce mam rov laig dua lwm phaj (laig ib yam li laig lo lawm xwb).