NYUJ DAB

NYUJ DAB - Hmoob Vaj Ntxoo (Noob Kooj Neeb)

Nyuj dab yog ib rooj mov uas ua rau tej laus ua tau tag sim neej lawm noj (ua siv tu Nyuj lo uas) vim qiag nruab neeb nruab yiag tia tus laus yuav yuav nyuj (Nyuj dab), yog muaj nyuj npaj tau lawm ces cia li ua kiag Nyuj Dab xwb, yog tseem npaj tsis tau taus (Tsis tau muaj nyuj) ces yuav tau ua tus Qaib Cawv lo cheem (Qaib cawv ua tau 1-2 zaug)  thiab Npua Cawv lo cheem kom ua siab ntev (Npua cawv ua tau 2-3 zaug xwb) li hai tag lo saum toj sauv.

Ua ntej yuav ua nyuj dab yog koj tsi tau ua npua cawv li ces koj yuav tau npaj ua ib tug npua cawv rau tu laus ua tuaj nrhiav noj ntawv tso ce mam pib uas tu nyuj dab thiab yuav tau nrhiav ib tug coj lo ua rau tu tub koob tub xos (2 tug npua: ib tug ua npua cawv, ib tug ua rau tub koob tub xos thiab 1 tug nyuj).

Tab sis yog tias twb ua npua cawv rau tu laus tag lawm ces tsis ua npua cawv lawm, nrhiav ib tug me nyuam npua lo ua rau tu tub koob tu xos thiab ua tu nyuj dab xwb ce tau lawm (1 tug npua, 1 tug nyuj).

Yog muaj tu nyuj lawm ce npaj tus npua ces cai li ua lawm xwb, tsis tas ua tu qaib cawv li (Tab sis txheej tshiab niam no feem ntau phej ua tus Qaib Cawv tag ce mam ua tu Npuas Cawv ce mam ua tus Nyuj Dab).

Cov khoom siv npaj ua tu nyuj dab muaj:

1 -          Ib tug nyuj (Tsi pub sib tu cev plaub txaij)

2 -      Ib txoj hlua cab nyuj

3 -          Ib tug nyuam npua (ua rau tub koob tub xos)

4 -      Ib tug nyuam npua ua npua cawv (rau tu laus, yog tsis tau ua npua cawv)

5 -      Ob tug qaib

6 -          Ib hwj cawv

7 -      Ib hwj kais dej sov sos (Siv lauj kaub, kaus poom tej rhaub lo yeej tau)

8 -      Ib tug txhib ntawg (Yog ua npua cawv ua ntej kiag xwb ces siv tu qub xwb)

9 -      Ib tug cwj mag (Yog ua npua cawv ua ntej kiag xwb ces siv tu qub xwb)

10 -    Ib lub khob

11 -    Yog tu txiv neej tuaj yuav nyuj ce npaj ib lub khaub tsho tshaj sab txiv neej coj los qhwv pav nrog ib txoj siv liab ua nkauj nyab rau tus txiv neej.

12 -    Yog tu txiv poj niam tuaj yuav nyuj ce npaj ib lub khaub tsho tshaj sab poj niam nrog rau daim tiab laus coj los qhwv nkauj nyab rau tus niam.

13 -    Txaug thiab tais ib cos ntawv

14 -   Txiav ntxhoo (Txiv tuaj yuav nyuj txiav 7 tus ntxhoo ntoo lo txhos tom tsev tshiab, 7 tus ntxhoo xyoob rau tom tsev lau. Yog poj niam tuaj yuav nyuj txiav 5 tus ntxhoo ntoo lo txhos tom tsev tshiab, 5 tus ntxhoo xyoob rau tom tsev lau.

15 -    Ua /qhwv ib lub nrua coj lo ntau

16 -    Ib daim lev

17 -    Rhaub ib qho dej ntxuav muag

18 -    Ua ib qho mov thiab hau ib lub qe

19 -    Thov 2 tug tuaj nqa tsoo, 1 tug nqa daim lev, 1 tug txiv qeej

20 -    Npaj ib lub me nyuam fw hleb (Siv ua neeb hmos ua ntej ntawv) Qhwv tus nkauj nyab tso rau hauv lub hleb

21 -   Ntawm tu nkauj nyab yog tus tuaj yuav nyuj yog txiv neej, qhwv tus nkauj nyab txiv neej, hos yog tus poj niam tuaj nyuav nyuj ces qhwv tus nkauj nyab poj niam (Siv ua neeb hmos ua ntej ntawv) tag kis kaj ntug ce mam ua nyuj dab

 

Ntawm tu nyuj dab muaj tag nrhos yog 17 tug cawv xws li nram qab no xwb:

1.     Ntua nywj (Ntua thaum twg? ua ntej yuav ntua npaj li ca?)

Kuv

Ntua … nws nywj tuag saum txaj … lub ceg lub tog ntau kom kaj

Ntua … nws nywj tuag sawm loog … lub ceg lub tog ntau kom zoo

Ntua … nws nywj tuag qab cub … nywj tuag qab cais

Ntua … nws nywj tuag nruab zoo … nywj tuag nruab tsuag

Ntua … nws nywj tuag zeb ntau … nywj tuag zeb luam

…. Nob ti yua saub

Ntua tag li saum no ces muab cov pob kws txawb lawm xwb.

Thaum txawb cov pob kws ces hai li no:

 Txawb … nws nywj tuag saum txaj… lub ceg lub tog ntau kom kaj

Txawb … nw nywj tuag sawm loog … lub ceg lub tog ntau kom zoo

Poob mu … qaib khaw tau noj kom qaib vam nroo ntw li nraj yig lauv tsaw

                 … npua khaw tau noj kom npua vam nroo ntw li npua teb dai

 

2.     Cov txheej cawv

1.     Tuav 3 txog cawv rau dej ntxuav muag

2.     Tuav 3 txog cawv rau neb hau tso yuav rau hno qho Tshaib rau neb noj

-          Rau hno qho tshaib ce yog muab lub qe thiab ib qho mov coj lo laig (ces yog ua hno kho tshaib xwb)

3.     Tuav 3 txog cawv rau neb hau tso yuav coj neb mu pem tsev lau

Thaum rau cawv rau hau tag li sawm toj sawv lawm ces coj mu ncig tag mam li so hauv  tsev lau nawb. Yog tu tuaj nrhiav noj ntawv yog pojniam ces ncig 5 ncig, yog tu tuaj nrhiav noj ntawv yog txiv neej ce ncig 7 ncig nawb.

  

        

                               

   Tsev tshiab                                                                     Tsev lau

 Qhia Kom Paub:

- Tsev laus: muab cov ntxoo tuam ua pheeb suab,

- Tsev tshiab: muab cov ntxoo txo yuav tso cov tsoo ntawm ob tug tuaj yuav nyuj khuam rau.

4.     Tuav 3 txog cawv so tsev lau

5.     Tuav 3 txog cawv rau hau tso yuav coj mu so tsev tshiab

-          Thaum rau cawv rau hau tag lawm ce coj mu so tom tsev tshiab lawm xwb

6.     Tuav 3 txog cawv rau hau so hauv tsev tshiab

7.     Tuaj 3 txog cawv cob siav tsiaj

8.     Tuav 3 txog cawv muab npua rau tu tub koob tub xos

9.     Tuav 3 txog cawv qhwv qaib rau cov tuaj nrog saib dab saib qhua ntawv

-          Yeej qhwv qaib mu kom txog rau yeeb ceeb thiab

10.  Tuav 3 txog cawv laig nrob nyuj

11.  Tuav 3 txog cawv taw txaj taw txim

12.  Tuav 3 txog cawv pub txaj pub txim (“lo yog laig nqaij laig hno rau noj”)

13.  Tuav 3 txog cawv yaw txaj yaw txim

14.  Tuav 3 txog cawv muab nyiaj txiag xyab ntaw

15.  Tuav 3 txog cawv yaw tsoo lau

16.  Tuav 3 txog cawv yuav ntsuj yuam mam

17.  Tuav 3 txog cawv qo ntsej qo muag mu

Xau dab lo yog muag dab

=> “Neb qo ntsej qo muag mu es hmo no kaj peb ntuj tsau neb ntuj neb qaug dej qaug cawv neb so rau yee nthab yee tsev kaj ntug tag ki es neb cuam khib ri cawv koj lau koj cab nyuj, nw ua tub koob tub xo nw tav nyuj neb yuav mu neb vag neb tsev tsam ntsaum kab rwg xwv neb vag neb tsev.

Koj lau koj qo ntsej qo muag mu es koj yuav noj tsi txhob twv mobyua vhau tsi txhob twv ntsaj … koj yuav noj ua xob … yuav hau ua cua .. koj yuav noj yuav hau ua nchaiv toog niam dab tu npau ntu tsam kooj qab na na qab zeg tsi muaj tu npw laig koj tsam koj khaw txiv viv nram qab vag.

 

(Xau li no)

 

Peb tsev hmoob vaj ntxhoos – Noob kooj neeb no mas ntawm tu nyuj dab ma yog 13 txig 3 ntsau nawb.

Cov lus laig tu nyuj dab muaj li nram qab no:

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg kuv … ua tub ua kiv mu nrhiav nram mab nram suav tau 1 tug nyuj kub nto ntuj tw suab teb coj lo rau koj lau ce (nyab … tuaj ua tub koob tub xo ce nw tsua tau npua) ib txog lo yog neb cawv es neb tuaj txai noj txai hau thiaj li tau noj tau hau thiaj li tsi tshaib tsi nqhis … neb tuaj ce neb nqa 99 hau tshuaj  88 hau kuab tuaj kho kuv … ib tsev 20 leej kom nyob ntshiab li dej huv li txhuv … neb rov ce sau mob sau ntsaj sau hleb rag hleb rawg .. kua muag iab kua muag daw .. sau kaw txaij kw nraug sau sub tawg sub ntsha .. mu rau hnub coog hli kawg kom ntsej tsi hnov muag tsi pom … neb tuaj noj ce noj nti mob hau nti ntsaj nti hleb rag hle rawg .. nti kua muag iab kua muag daw ntis kws txaij kw nraug nti sub tawg sub ntsha mu rau ntxwj nyoog 9 ntsuag kev si xw… koj pov hwm pov yawm kuv … ib tsev 20 leej kom phwv puaj toog ncig li yeev qab nrag dhau hauv nra ua qoob ua loo tsi pub hmab dawm te hlua dawm taw … ua tau noj tau hau noj hno yuav xub qaij dia … hau cawv yuav xub qaij khob … yuav xub npws xub laig neb lau ncauj … neb lo noj lo hau kuv … li noj li hau no heb hes …!!”

Qhia Kom Meej Rau Cov Tsis Tau Paub Dua, Tsis Tau Pom Dua Thiab Tsis Tau Ua Duas

I. Ua Neeb Mu Tos Dab:

Ua ntej yuav ua nyuj dab mas yuav tau ua ib thaj neeb mus tos dab, Thaum tus txiv neeb ua neeb muaj xo los cov saib neeb, cov saib neeb mam hlawv  lub hleb thiab tu nkaj nyab rau. kev ua neeb mas yog ua hmo ua ntej ce kaj ntug ua nyuj dab xwb.

Qhia Kom Paub: 

 - Tu txiv neeb yog hmoob xeem ab tsis lo tau, yog pojniam yog txiv neej lo tau tshuav yog neeb txwv zeej thaum ub (Ntoo thiv hauv liab thiab dub xwb) tuaj txog yu mam paiv yu kev dab kev qhua rau nws.

- Lwm xeem hmoob ua mu tos tag ce rov ua xas mu, tab sis hmoob vaj ntxoo ces ua mu tos xwb tsi ua neeb xas mu lawm. 

- Thaum tu txiv neeb ua neeb txij qhua txij lawm ces nws yuav muav xov lo, ces mam muab fwm hleb thiab tu moj zeej ntawv nquam mu, thaum nws nquam mu lawm ces cov saib neeb mam muab tu moj zeej ntawv hlawv, tu txiv neeb yuav mu kho ris khos tsho rau hnav, yuav mu tsim vaj tsev, liaj iav teb chaws rau, mam tsim khuaj tsiag nkuaj txhuv rau, ces txiv neeb mam teem nws tia hnub twg cab nyuj lo ces kom coj lo kaws qhov ntawv, tag li no ces txiv neeb mam nqua tu lau tuaj so yees nthab yees tsev, ce tag ki kaj ntug thiaj mam ua tus nyuj dab rau.

-  Hais txog ntawv nyuj dab, txawm yog tu laus tuaj nrhiav noj lo ib yam, koj fiv lo ib yam yeej yauv tau ua neeb mu tos tuaj.

- Tu moj zeej:

II. Kev ua Nyuj Dab

2.1 Kev Ua Nyuj Dab - Txheej 1

1. Muab ib daim lev pua rau pem hauv plag, tso tus tuaj yuav nyuj rau tog tag, tus tub koob tub xo tuaj tog txuas.

2.  Ntuas nywj . ( yog tuaj nrhiav mas ntuas raws qhov tuj nrhiav , yog fiv  ces ntuas raws qhov fiv).

3.  Tus txiv qeej lo tshuab qeej fiv mus rau nram ncauj ke, 2 tus nqa tsoo nqa tus tub koob tub xo ua ntej ,tus tuaj yuav nyuj tuaj nrub nrab hos tus nqa daim lev lawv qab kawg.

4.  Muab daim lev coj mus pua nram ncauj ke, muab tu tub koob tub xo tso rau tom hauv ntej ncauj ke mus rau tom tsev lau.

Cov txheej Cawv:

1. Rau 3 txog cawv tas mam rau dej ntxuav muag.

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg , yawg ….. nws ua tub ua kiv mus nrhiav nram mab nram suav tau ib tug txiv nyuj kub nto ntuj, tw suab teb lo rau koj lau, nyab /tub …. ua koj tub koob tub xo tuj es yuav rau 3 txog cawv rau neb hau tso, yuav rau dej neb ntxuav muag, tub ki npws laig neb txais tau noj tau hau.

=> Muab tu txhib ntawg ntau (Sab khwv sab ntxeev rau hauv daim dev) .. Tuav khob cawv, hai ntxiv ... (NEB TUAJ CES ...) mam muab khob cawv hliv

=> Txoj 2 3 los hais ib yam xwb tsuas pauv tias txoj ob txoj peb los yog neb cawv xwb.

==> Heb os nias nob ...! Yawg ....  rau 3 txog cawv rau neb hau tag lawm ces yuav rau dej rau neb ntxuav muag, tub ki npws laig neb txais tau noj tau haus heb he... (Ib sab te tuav tus txhib ntawg ib sab tuav lub fwj kai hliv dej los yaug tus txhib ntawg, Ces hais li no: kuv ntxuav yawg/pog……… luaj dub luaj dag, si kws txaij si kws nraug mus rau hnub coog hli kawg kom ntej tsis hnov muag tsis pom) ... (NEB TUAJ CES ...) mam muab khob cawv hliv

2. Tuav 3 txog cawv rau neb hau tso yuav rau hno qho Tshaib rau neb noj

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg, yawg ……. Ua tub ua ki mus nrhiav nram mab nram suav tau txiv nyuj kub nto ntuj tw suab teb los rau koj, nyab/tub ……. Ua koj tub koob tub xo tuaj, rau 3 txog cawv rau neb hau tag lawm ces yuav rau hno qho tshaib rau neb noj , tub ki npws laig neb txais tau noj tau haus heb he .. (Mam muab diav qe hliv) ... (NEB TUAJ CES ...) mam muab khob cawv hliv

3. Tuav 3 txog cawv rau neb hau tso yuav coj neb mu so tsev lau (yuav coj neb mu nqaum paj nqaum nruas)

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg, yawg ……. Ua tub ua ki mus nrhiav nram mab nram suav tau txiv nyuj kub nto ntuj tw suab teb los rau koj, nyab/tub ……. Ua koj tub koob tub xo tuaj, rau 3 txog cawv rau neb hau tag lawm ces yuav coj neb mu pem tsev lau, yuav mu yuav nyuj kub nto ntuj tws saub teb, tub ki npws laig neb txais tau noj tau haus heb he .. (Mam ntau tu txhib ntawg) ... (NEB TUAJ CES ...) mam muab khob cawv hliv

=> Heb os nias nob ...! Yawg ....  thiab nyab ... tuav 3 txog cawv rau neb hau tag lawm ces yuav coj neb mu nqaum paj nqaum nruas, mu yuav nyuj kub nto ntuj tws sub teb ... (Mam ntau tu txhib ntawg)

Thaum tiav li no ces:

- Tus txiv qeej mam tshuab coj kev mus nqaum paj nqaum nruas ( mus ncig). Tus txiv qeej ua ntej, tus nqa tus tub koob tub xo lawv tus txiv qeej qab, tus nqa tus tuaj yuav nyuj lawv qab , ho tus nqa daim lev lawv qab kawg. Yog txiv tuaj yuav nyuj ces ncig 7 ncig (4 ncig mus - 3 ncig rov), ho yog niam tuaj ces ncig 5 ncig (3 ncig mu -  2 ncig rov). Kev ncig mas ncig txij ntawm lub nruas los mus rau tsev tshiab tsev laus xwb.

- Kev ncig no mas yog coj lo nqa ncig lub tsev tshaib thiab tsev lau ntag, ncig ua tu leb yim (8) vim muaj tu ncej nrua nyob hauv nruab nrab (Thaum lo thiaj ncig xwb thaum tawm hauv tsev lau mu rau tsev tshaib ce tsi ncig lawm cia li nqa mu lawm xwb)

- Muab daim lev pua rau hauv lub tsev lau, tso tus tub koob tub xo tuaj tom hauv ntej puab

     tsev tshiab, tus tuaj yuav nyuj lawv qab.

     - Ntawm tsev lau no tso tu tub koob tub xo ua ntej ce mam tso tu tuaj yuav nyuj tom qab, muab coj mus tso hauv tsev lau ua ntej mam tuav txeej cawv 4.

4. Tuav 3 txog cawv so tsev lau

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg, yawg ……. Ua tub ua ki mus nrhiav nram mab nram suav tau txiv nyuj kub nto ntuj tw suab teb los rau koj, nyab/tub ……. Ua koj tub koob tub xo tuaj, rau 3 txog cawv rau neb hau tag lawm ces neb yuav so hauv tsev lau, tub ki npws laig neb txais tau noj tau haus heb he .. (Mam ntau tu txhib ntawg) ... (NEB TUAJ CES ...) mam muab khob cawv hliv

5. Tuav 3 txog cawv rau hau tso yuav coj mu tom tsev tshiab

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg, yawg ……. Ua tub ua ki mus nrhiav nram mab nram suav tau txiv nyuj kub nto ntuj tw suab teb los rau koj, nyab/tub ……. Ua koj tub koob tub xo tuaj, rau 3 txog cawv rau neb hau tag lawm ces yuav coj neb mu tom tsev tshiab, mu yuav nyuj kub nto ntuj tws suab teb, tub ki npws laig neb txais tau noj tau haus heb he .. (Mam ntau tu txhib ntawg) ... (NEB TUAJ CES ...) mam muab khob cawv hliv

Thaum tiav li no ces:

- Thaum no mas nqa tus tuaj yuav nyuj ua ntej thiab coj mus tso rau tom hauv ntej. (tog txuas), Nrhiav ib lub tog coj los teeb ncaj ntawm tus tuaj yuav nyuj (Yuav laig cawv rau sauv ntag).

6. Tuav 3 txog cawv so tsev tshiab

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg, yawg ……. Ua tub ua ki mus nrhiav nram mab nram suav tau txiv nyuj kub nto ntuj tw suab teb los rau koj, nyab/tub ……. Ua koj tub koob tub xo tuaj, rau 3 txog cawv rau neb hau tag lawm ces neb so hauv tshiab no, yuav muab nyuj kub nto ntuj rau koj laus, tub ki npws laig neb txais tau noj tau haus heb he .. (Mam ntau tu txhib ntawg) ... (NEB TUAJ CES ...) mam muab khob cawv hliv

7. Tuav 3 txog cawv cob siav tsiaj (Cob Nyuj)

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg, yawg ……. Ua tub ua ki mus nrhiav nram mab nram suav tau txiv nyuj kub nto ntuj tw suab teb los rau koj, nyab/tub ……. Ua koj tub koob tub xo tuaj, rau 3 txog cawv rau neb hau tag lawm ces 

yuav muab tsiaj rau koj, koj txais koj siav tsiaj ces koj tau..., tub ki npws laig neb txais tau noj tau haus heb he .. (Mam ntau tu txhib ntawg) ... (NEB TUAJ CES ...) mam muab khob cawv hliv

8. Tuaj 3 txog cawv cob siav tsiaj rau tub koob tub xos (Cob Npua)

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg, yawg ……. Ua tub ua ki mus nrhiav nram mab nram suav tau txiv nyuj kub nto ntuj tw suab teb los rau nws laus, nyab/tub ……. koj ua yiag ua luag tuaj yuav muab Npua rau koj, koj txais koj siav tsiaj ces koj tau..., tub ki npws laig txais tau noj tau haus heb he .. (Mam ntau tu txhib ntawg) ... (NEB TUAJ CES ...) mam muab khob cawv hliv

Qhia Kom Paub: 

- Ntawm tu npuas no mas tsis tua muab tw taw coj lo yom ntawm caj pas tas ces rov muab tso lawm xwb.

- Yog muab tu npua tua pua tau? txoj dab neeg mu saib hauv qab.

9. Tuav 3 txog cawv qhwv qaib rau cov tuaj nrog saib dab saib qhua ntawv (Cob Qaib)

=> Heb os nias nob ...! Yawg...., Yawg ..., Yawg / Pog .... pog... pog .... Nej sawv daws os yawg / pog txwm hnub taij tsis nrauj txwm hmo nrhiav tsis tseg, yawg ……. Ua tub ua ki mus nrhiav nram mab nram suav tau txiv nyuj kub nto ntuj tw suab teb los rau nws laus, yuav hus txoj nej sawv daws tuaj saib dab saib qhuas, yuav tuav 3 txog cawv rau nej hau tso es yuav qhwv qaib rau nej os, tub ki npws laig txais tau noj tau haus heb he .. (Mam ntau tu txhib ntawg) ... (NEB TUAJ CES ...) mam muab khob cawv hliv

Qhia Kom Paub: 

- Ntawm ob tug qaib no mas muab sib hloov coj lo laig mu-mus-lo-lo xwb,  tom qab ua tag muab ib tug coj mus tua xwb.

- Yog muab tua tag ob tug pua tau? txoj dab neeg mu saib hauv qab.

=> Yawg…… yuav rau 3 txog cawv rau neb laus  hau tso ua tau nqaij hnov siav ces mam pub txaj pub txim rau koj ncauj koj lo. tub ki npws laig txais tau noj tau haus heb he .. (Mam ntau tu txhib ntawg) ... (NEB TUAJ CES ...) mam muab khob cawv hliv

=> Yawg…Yawg...Yawg / Pog ... Pog ... yuav rau 3 txog cawv rau nej hau tso ua tau nqaij hnov siav ces mam pub txaj pub txim rau nej ncauj koj lo. tub ki npws laig txais tau noj tau haus heb he .. (Mam ntau tu txhib ntawg) ... (NEB TUAJ CES ...) mam muab khob cawv hliv

# Tua Nyuj Tseev Nyuj. 

     Thaum cob siav tsiaj tag ces muab tus tws taws lo yom tu npua tag ce muab tso lawm, ces tua tu nyuj thaum tseev tu nyuj yuav tau cim li nram no:

- Cim sab te xis, sab raum xis thiab cim sab taws xis

- Npaj cov hauv nqaij yuav coj lo txhoov ua txim: Lub taub hau, tes taw, ko tw, lub nrob, plawv, siab ntsws, pos, plablau, plab mos, nyhuv lau, nyhuv mos.

- Lub Nrob nco ntsoov txhoov ib qho cia ua hno kho tshaib (seem ntawv mam txhoov lo rau txim)

- Txhua txhua daim hauv nqaij coj los txhoov thawj daim tso rau thawj txim los yog thawj lub tais, seem ntawv mam muab khaws tso kom thoob cov txim

- Ntawm lub taub haus: Txiav lub taub ntswg sab sauv nrog tus ntsis plaig, lub pob ntseg sab xis, thiab hlais ib qhos tawv  taub haus sab xis coj lo rau thawj txim (seem ntawv mam hlai mu rau lwm txim) 

- Txim kawg hlai kom tau ib qho pob ntseg tso rau

- Phua lub hlwb coj lo rau txim 

- Ntawm tu qaib muab txhoov ua ob yas, muab tog taub hau rau txim 2 (Mam muab yav nrav txhoov rau txim 3 mus kom txog txim kawg)

# Rau Txim.

   Cov tximmuaj li nram no:

      - Txim 1 = Muab lub taub ntswg khwb tus nplaig thiab lub pob tsaig zoo li thaum tsis tau rhuav, tso tus ko tw ntxig ntawm qab

      - Txim 2 = Sab tes xis thiab tu qaib tog taub haus

      - Txim 3 = sab tes lauj

      - Txim 4 = sab taw xis

      - Txim 5 = sab taw lauj

   

Qhia Kom Paub: 

- Tus qaib no mas muab lo nyob tus npua chaw vim peb tsis tua tus npua

- lwm txim ces muab cov hauv nqaij ua txhoov tag rau txim ib ntawv lawm coj lo txhoov tso rau kom puv lawm xwb (Muaj tag nrhos yog 13 txig 3 ntsau)

2.2 Kev Ua Nyuj Dab - Txheej 2

10. Tuav 3 txog cawv laig nrob nyuj (Hno qho tshaib)

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg , yawg ….. nws ua tub ua kiv mus nrhiav nram mab nram suav tau ib tug txiv nyuj kub nto ntuj, tw suab teb lo rau koj lau, nyab /tub …. ua koj tub koob tub xo tuj es yuav rau 3 txog cawv rau neb hau tso, yuav laig nrob nyuj rau neb noj, tub ki npws laig neb txais tau noj tau hau.

=> Muab tu txhib ntawg ntau (Sab khwv sab ntxeev rau hauv daim dev) .. Tuav khob cawv, hai ntxiv ... (NEB TUAJ CES ...) mam muab khob cawv hliv

=> Txoj 2 3 los hais ib yam xwb tsuas pauv tias txoj ob txoj peb los yog neb cawv xwb.

=> Heb os nias nob ...! Yawg ....  Rau 3 txog cawv rau neb hau tag lawm ces yuav laig nrob nyuj rau neb noj, tub ki npws laig neb txais tau noj tau

=> Muab tu txhib ntawg ntau (Sab khwv sab ntxeev rau hauv daim dev) .. Tuav khob cawv, hai ntxiv ... (NEB TUAJ CES ...) mam muab khob cawv hliv

11. Tuav 3 txog cawv taw txaj taw txim

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau tu txiv nyuj kub nto ntuj, tw suab teb lo rau koj lau,  (nyab … tuaj ua tub koob tub xo) ces kuv yuav rau 3 txog cawv rau neb hau tso, yuav taw txaj taw txim,  tub kis npws laig ce txais tau noj tau haus.. 

=> Muab tu txhib ntawg ntau ntawm lub rooj (Ib sab khwb ib sab ntxeev) Ce laig txiv ... (NEB TUAJ CES ...) mam muab khob cawv hliv

 => Thaum tuav 3 txog cawv rau hau ntawm lub tog tag lawm ce tu txiv coj dab tuav tu plhaub mag taw txim mu ua ntej, hos kom ib tug tuav tu txhib ntawg thiab khob cawv ntawv taw txim lawv qab xwb...?

 Txim 1. 

* Tu taw txim (tuav tus phaub mag/cwj mag):

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau txiv nyuj kub nto ntuj, tw suab teb lo rau koj lau,  koj tuaj ces koj tuav txim no (Muab tu pas khob lub tai txim)

* Tu lawv qab (ib sab tes tuav lub khob cawv, ib sab ts tuav tu txhib ntawg):

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau  txiv nyuj kub nto ntuj, tw suab teb lo rau koj lau,  koj tuaj ces koj tuav txim no thiab khob cawv no (Muab tus txhib ntawg khob lub tais txim thiab khob cawv tuav ntawm tes)

Txim 2. 

* Tu taw txim 

=> “Heb os nias nob nyab…!, Yawg ... txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau txiv nyuj kub nto ntuj, tw suab teb lo rau yawg ..., Nyab/ .. koj tuaj ua tub koob tub xos ces koj tuav txim no (Muab tu pas khob lub tai txim)

* Tu lawv qab 

=> “Heb os nias nob nyab …!, Yawg … txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau  txiv nyuj kub nto ntuj, tw suab teb lo rau yawg ...,  koj tuaj ua tub koob tub xos ce koj tuav txim no thiab khob cawv no (Muab tus txhib ntawg khob lub tais txim thiab khob cawv tuav ntawm tes)

Txim 3. 

- Yog tu tuaj nriav noj yog txiv (ce taws rau phaj txiv thiab tub)

- Yog tu tuaj nrhiav noj yog niam (ce taws rau phaj niam thiab cov nyab)

* Tu taw txim 

=> “Heb os nias nob yawg A, B, C… nej sawv daws! Yawg …  txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau  txiv nyuj kub nto ntuj, tw suab teb lo rau yawg ..., yuav hu txog nej sawv daws tuaj saib dab saib qhua ces nej tuav txim no (Muab tu pas khob lub tai txim)

* Tu lawv qab 

=> “Heb os nias nob yawg A, B, C…nej sawv daws! Yawg … txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau  txiv nyuj kub nto ntuj, tw suab teb lo rau  yawg ...,  yuav hu txog nej sawv daws tuaj saib dab saib qhua ces nej tuav txim no  (Muab tus txhib ntawg khob lub tais txim thiab khob cawv tuav ntawm tes)

Txim 4. 

- Yog tu tuaj nriav noj yog txiv ces taws rau phaj niam

- Yog tu tuaj nrhiav noj yog niam ce taws rau phaj txiv

Qhia Kom Paub: 

Txim 5- Txim 13. 

- Taws rau me hlob me yau, dab vaj dab tsev niam nkauj hnub nraug hlis, tswv teb tswv chaws (Taws kom raws phaj xwb ce tau lawm, txij li txim 3 mu txog txim 13 ces ib txim no koj taws ntau lwm hu ntau tu lo tau nyob ntawm nco xwb, tsi nco taw tag rov taw dua li yeej tau)

12. Tuav 3 txog cawv pub txaj taw txim (“lo yog laig nqaij laig hno rau noj”)

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau  txiv nyuj kub nto ntuj, tw suab teb lo rau koj laus,  (nyab … tuaj ua tub koob tub xo) ces kuv yuav rau 3 txog cawv rau neb hau tso, yuav pub txaj pub txim rau neb ncauj neb lo,  tub kis npws laig ce txais tau noj tau haus..

=> Muab tu txhib ntawg ntau ntawm lub rooj (Ib sab khwb ib sab ntxeev) Ce laig txiv ... (NEB TUAJ CES ...) mam muab khob cawv hliv

 => Thaum tuav 3 txog cawv rau hau tag lawm ce tu txiv coj dab laig cawv ua ntej, hos kom ib tug tuav diav laig nqiaj laig hno lawv qab

Txim 1. 

* Tu ua ntej (tuav lub khob cawv, thiab tu txib ntawg)

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau txiv nyuj kub nto ntuj, tw suab teb lo rau koj laus, yuav rau cawv rau koj hau, tub kis npws laig txai tau noj tau haus (Muab tu txhib ntawg ntau, sab khwb sab ntxeev, muab khob cawv hliv)  ... (KOJ TUAJ CES ...) 

* Tu lawv qab (tuav rab diav: Hai mov, qhia kua nqaij, de nqaij rau)

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau  txiv nyuj kub nto ntuj, tw suab teb lo rau koj laus, ua nqaij ua hno siav ce yuav pub txaj pub txim koj ncauj koj lo,  tub kis npws laig txai tau noj tau haus,  ... (KOJ TUAJ CES ...) (Heb hes .. Muab diav mov nchuav)

Txim 2. 

* Tu ua ntej

=> “Heb os nias nob nyab…!, Yawg ... txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau  txiv nyuj kub nto ntuj, tw suab teb lo rau yawg ..., Nyab/ ..  koj tuaj ua yaig ua luag yuav rau cawv rau koj hau, (Muab tu txhib ntawg ntau, sab khwb sab ntxeev, muab khob cawv hliv) ... (KOJ TUAJ CES ...)

* Tu lawv qab 

=> “Heb os nias nob nyab …!, Yawg … txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau  txiv nyuj kub nto ntuj, tw suab teb lo rau yawg ...,  koj tuaj ua tub koob tub xos ua nqaij ua hno saiv ces yuav pub txaj pub txim rau koj ncauj koj lo (KOJ TUAJ CES ...) (Heb hes .. Muab diav mov nchuav)

Txim 3. 

- Yog tu tuaj nriav noj yog txiv (ce taws rau phaj txiv thiab tub)

- Yog tu tuaj nrhiav noj yog niam (ce taws rau phaj niam thiab cov nyab)

* Tu ua ntej

=> “Heb os nias nob yawg A, B, C… nej sawv daws! Yawg …  txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau  txiv nyuj kub nto ntuj, tw suab teb lo rau yawg ..., yuav hu txog nej sawv daws tuaj saib dab saib qhua ces yuav rau cawv rau nej haus  (Muab tu pas khob lub tai txim)(Muab tu txhib ntawg ntau, sab khwb sab ntxeev, muab khob cawv hliv) ... (NEJ TUAJ CES ...)

* Tu lawv qab 

=> “Heb os nias nob yawg A, B, C…nej sawv daws! Yawg … txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau txiv nyuj kub nto ntuj, tw suab teb lo rau yawg ...,  yuav hu txog nej sawv daws tuaj saib dab saib qhua ces yuav pub txaj pub txim rau nej ncauj nej lo  (NEJ TUAJ CES ...) (Heb hes .. Muab diav mov nchuav)

Txim 4. 

- Yog tu tuaj nriav noj yog txiv ces taws rau phaj niam (Laig ib yam xwb)

- Yog tu tuaj nrhiav noj yog niam ce taws rau phaj txiv (Laig ib yam xwb)

Qhia Kom Paub: 

Txim 5- Txim 13. 

- Pub rau me hlob me yau, dab vaj dab tsev niam nkauj hnub nraug hlis, tswv teb tswv chaws (pub kom raws phaj xwb ce tau lawm, txij li txim 3 mu txog txim 13 ces ib txim no koj pub ntau lwm hu ntau tu lo tau nyob ntawm nco xwb, tsi nco hu tag rov hu dua li yeej tau)

- Ntawm 3 ntsau tom qab yog laig taws li sawm daim duab

13. Tuav 3 txog cawv rau neb hau tso yuav yaw txaj yaw txim

    Rov lo laig tom lub rooj, laig tag ces muab cov txim tshem cias.

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau txiv nyuj kub nto ntuj, tw suab teb lo rau koj laus, Pub txaj pub txim rau neb ncauj neb lo tag ces yuav rau 3 txog cawv rau neb hau  tso yuav yaw txaj yaw txim, tseg lo yuav nchuav lag yau pub qub lawv taug yawg ... thiab nyab ...,  tub kiv npws laig txais tau noj tau haus ...(Muab tu txhib ntawg ntau, sab khwb sab ntxeev, muab khob cawv hliv)  ... (NEB TUAJ CES ...) Muab cov txim tshem cias. 

14. Tuav 3 txog cawv rau neb hau tso yuav muab nyiaj txiag xyab ntawv

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau txiv nyuj kub nto ntuj, tw suab teb lo rau koj laus lawm ces kuv yuav rau 3 txog cawv rau koj hau, yuav muab nyiaj txiag xyab ntawv rau neb, neb txai ces neb tau ... (NEB TUAJ CES ...) 

Muab cov ntawv thiab cov xayb faib ua ob pawg hlawv rau (ib pawg rau tu tuaj yuav nyuj, ib pawg rau tub koob tub xos)

15.  Tuav 3 txog cawv rau neb hau tso yuav yaws neb tsoo lau

=> “Heb os nias nob …! Yawg … os koj txwm hnub taij tsi nrauj txwm hmo thov tsi tseg / ...kuv/...nws  ua tub ua kiv mu nrhiav nram mab nram suav tau txiv nyuj kub nto ntuj, tw suab teb lo rau koj laus lawm ces kuv yuav rau 3 txog cawv rau koj hau, yuav yaws neb tsoo, neb txai ces neb tau ... (NEB TUAJ CES ...) 

Thaum ua tiav li no ce, tu txiv qeej thiab ob tug nras tsoo lo nqa tsoo mu hauv tsev lawm xwb (Kev nqa tsoo mu hauv tsev no tej lau thaum ub tsis muaj tos plig lis, yog nyiam lo kuj ho tos plig, yog tsis nyiam lo tsi ua yeej tsis ua li ca), yog ho muaj tos plig ce thaum lo txog ntawm qhov rooj txawj li ca hai li ntawv xwb lo tau hai lu zoo xwb.

16.  Tuav 3 txog cawv rau neb hau tso yuav nrog neb yuav ntsuj yuav mam

=> “Heb os nias nob …! Yawg …thiab nyab ...  os, yawg ...  txwm hnub taij tsi nrauj txwm hmo thov tsi tseg / ...kuv/...nws ua tub ua kiv  mu nrhiav nram mab nram suav tau txiv nyuj kub nto ntuj, tw suab teb lo rau koj laus lawm ces,  kuv yuav rau 3 txog cawv rau neb hau, Kuv ... /Nws  ib tse 20 leej nrog koj yuav ntsuj yuav mam koj li mus os yawg ... (NEB TUAJ CES ...) 

17. Tuav 3 txog cawv rau neb hau tso neb yuav qo ntsej qo muag mu (Muag dab)

=> “Heb os nias nob …! Yawg …thiab nyab ...  os, Yawg ...  txwm hnub taij tsi nrauj txwm hmo thov tsi tseg / ...kuv/...nws ua tub ua kiv  mu nrhiav nram mab nram suav tau txiv nyuj kub nto ntuj, tw suab teb lo rau koj laus lawm ces,  kuv yuav rau 3 txog cawv rau neb hau, noj tag yuav khwb rwg tais haus tas yuav khwb rwg khob, neb yuav mus neb vag koj tsev, hmos no neb qaug dej qaug cawv neb so yees nthab yees tsev, kaj ntug tag ki, koj cuam khib ris dej ris cawv, koj cab nnyuj. Nyab ... ua tub koob tub xo nw cab npua neb yuav mu neb vag neb tsev tsam ntsaum kab rwg xwv neb vag neb tsev ... (NEB TUAJ CES ...) Qos ntsev qos muag mus

=> Muab tu txhib ntawg ntau ntawm xub ntiag lawm sab nrauv, yog ob sab khwb ces muab lub khob khwb nkaus, kuv mam muab neb plhaub mag plhaub mig rau niam tais liab xa tuaj tom qab. 

# Ces muab tus plhaub mlag thiab lub khob, txhib ntawg mus pov hlawv ces hais tias : dej tsis ntws nce toj , txiv nyuj tsis tuaj kaus, txiv  nees tsis tuaj kub ces koj tsis txob tuaj lawm nawb.

                                                      

                                                       Nyuj dab Tag li No

Qhia Kom Paub:

 - Yog tus lau tuaj nrhiav noj es laig tia: ... koj txwm hnub taij tsi nrauj txwm hmo thov tsi tseg ... 

 - Yog fiv yeem ces laig tia: ...kuv/...nws ua tub ua kiv tau fiv koj laus ib tug nyuj, Fiv yeem ce yuav pauj yeem os, fiv yeem ce yuav thum yeem os..  hnub no kuv ..nws mus nrhaiv...

 - Laig ib lwm tag muab khob cawv hliv mam rov teev duas

 - Koj txwm hnub taij tsi nrauj txwm hmo thov tsi tseg = koj 9 hnub taij nrauj 8 hmo nrhiav tsis tseg (ob los lu no koj nyiam siv thiab hai lo lus twg hai lo ntawv lo tau, zoo ib yam xwb)

 - Ntawm lub tsev tshiab thiab tsev laus npaj ua rau ob sab, txho tu ncej nrua rau nruab nrab (Siv lub nrua qhwv xwb)

 - Tub koob tub xos = Tu yab lo tau ? tu tub lo tau?

 -  Kev nqa tsoo mu hauv tsev no tej lau thaum ub tsis muaj tos plig lis, yog nyiam lo kuj ho tos plig, yog tsis nyiam tos tsi ua yeej tsis ua li ca), yog ho muaj tos plig ce thaum lo txog ntawm qhov rooj txawj li ca hai li ntawv xwb lo tau (hai lu zoo xwb) yog hos tsis txawj lo seb tu txiv qeej hai li ca ce cia li yuav li ntawv lawm xwb.

- Tu piav yog yawg yeej koob thiab yawg vam lauj nyob Meka: Hai txog ntawm tu npua ua tub koob tu xo es muab ua npua dim ntawv, yog muab ua npua dim lawm ce tsis pub coj lo ua neeb kho tsis pub coj lo ua plig lawm. cia li muab muag lo yog muab tua noj lawm xwb ces tau kawg. Txoj dab neeg ntawm tu npua dim no mas yog thuam ub tej niam tej txiv khiav sab suav lo nyob teb chaw nplog no ces tseem txom nyem tsi tau tu laib npua ce mu txom nplog ib tug me nyuam npua coj lo ua, thaum cob siav tsiaj tag lawm ces thiaj muab tws taws lo yom ces thiaj muab tso lawm xwb, ce thaum kawg thiaj muab ib tug qaib ua npaj ntawv coj lo txiav yav taub haus coj lo laig rau xwb (tab si yeej laig tia yog npua no) yog tsis muaj npua ces ua li no lo yeej tau, sawv daws txhob tham nrov thaum ua ntawv xwb ces tau lawm. yog hos muaj npua ce tu npua ua rau tub koob tub xo ntawv yeej muab tua txiav lub tau hau coj lo ua txim rau txim 2 laig kiag ntag. Ziag no cov nyob sab meka lawv tua tus npua no lo laig lawm lawv tsis siv tu qaib lawm (yog tsis muaj ce siv tu qaib lo tau ib yam).

  - Qhia ntawm qhov tuav 3 txog cawv kom cov tsis tau ua dua nkag siab zoo:

   # Piv txwv li txheej cawv 1 Rau 3 txog cawv tas mam rau dej ntxuav muag.

=> Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg , yawg ….. nws ua tub ua kiv mus nrhiav nram mab nram suav tau ib tug txiv nyuj kub nto ntuj, tw suab teb lo rau koj lau, nyab /tub …. ua koj tub koob tub xo tuj es yuav rau 3 txog cawv rau neb hau tso, yuav rau dej neb ntxuav muag, tub ki npws laig neb txais tau noj tau hau.

Txoj cawv 1:

        => Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg , yawg ….. nws ua tub ua kiv mus nrhiav nram mab nram suav tau ib tug txiv nyuj kub nto ntuj, tw suab teb lo rau koj lau, nyab /tub …. ua koj tub koob tub xo tuj es yuav rau 1 txog cawv rau neb hau tso, yuav rau dej neb ntxuav muag, tub ki npws laig neb txais tau noj tau hau.

=> Muab tu txhib ntawg ntau (Sab khwv sab ntxeev rau hauv daim dev) .. Tuav khob cawv, hai ntxiv ... (NEB TUAJ CES ...) mam muab khob cawv hliv 

Txoj cawv 2:

  => Heb os nias nob ...! Yawg .... koj txwm hnub taij tsis nrauj txwm hmo nrhiav tsis tseg , yawg ….. nws ua tub ua kiv mus nrhiav nram mab nram suav tau ib tug txiv nyuj kub nto ntuj, tw suab teb lo rau koj lau, nyab /tub …. ua koj tub koob tub xo tuj es yuav rau 2 txog cawv rau neb hau tso, yuav rau dej neb ntxuav muag, tub ki npws laig neb txais tau noj tau hau.

=> Muab tu txhib ntawg ntau (Sab khwv sab ntxeev rau hauv daim dev) .. Tuav khob cawv, hai ntxiv ... (NEB TUAJ CES ...) mam muab khob cawv hliv 

*** Ntawm txoj cawv 2 thiab 3 no koj tsis ua qhov pib lawm lo tau, koj cia li pib tia:

=> 2 txog lo yog neb cawv, tub ki npws laig neb txais tau noj tau hau, Muab tu txhib ntawg ntau (Sab khwv sab ntxeev rau hauv daim dev) .. Tuav khob cawv, hai ntxiv ... (NEB TUAJ CES ...)

=> 3 txog lo yog neb cawv, tub ki npws laig neb txais tau noj tau hau, Muab tu txhib ntawg ntau (Sab khwv sab ntxeev rau hauv daim dev) .. Tuav khob cawv, hai ntxiv ... (NEB TUAJ CES ...)