KEV HU PLIG

TXHEEJ TXHEEM KEV HU PLIG 

I. Kev Hu Plig

 Hu plig yog ib txoj kev ntseeg ua peb hmoob txwj hmoob laus ib txwm coj lo lawm ntev, kev hu plig muaj ntau yam ua yuav tau paub 

Qhia Kom Paub

Yawg Vam Lauj thiab Yawg Yeej Koob nyob Meka piav tia:

- Yog siv lub txiab neeb hu ce lub txiab neeb lub npe hu ua = Niam nkauj kab ziag - txiv nraug kab zaug (Niam nkauj kab ziag quaj tawg nrees ntsuj duab ntsuj plig sawv li tsees, niam nkauj kab ziag quaj tawg li plhos ntsuj duab ntsuj plig rov li hlos, txiv nraug kab zaug ...) 

- Yog siv Lub Nruas neeb hu ce lub nrua neeb lub npe hu ua = Suav hwj zeeg suav xib fwb (Suav hwj zeeg suav xib fwb chov tswj huam quaj tawg nrees mu nqee ntsuj kom ntsuj sawv li tsee, Suav hwj zeeg suav xib fwb chov tswj huam quaj tawg plho mu nqee ntsuj kom ntsuj sawv li hlos, ....) 

- Yog siv lub Tswb neeb hu ce lub tswb neeb lub npe hu ua = Khwj lwb (Muab khwj lwb quaj tawg nrees mu nqee ntsuj kom ntsuj sawv li tsee, muab khwj lwb quaj tawg plho mu nqee ntsuj kom ntsuj sawv li hlos, ....) 

- Yog siv Txwm kuam hu ce txwm kuam lub npe hu ua =  Yaj ntxheb-Yeeb kuam (Muab yaj ntxheb lo nqee ntsuj - muab yeeb kuam nqee hlauv ....)

  # Thaum hu plig tsiaj loj ntawv nco ntsoov tia cov tsiaj cov npe yog hu li hauv qab no:

      - Qaib lub npe hu ua = Tsiaj nom koob cib (Thaum lo ncwm yuav tau hu li)

      - Npua lub npe hu ua = Tsiaj nom koob tswb

      - Nyuj lub npe hu ua = Tsiaj nom koob nywj

      - Twm dub lub npe hu ua = Tsiaj nom tuam sis nywj 

      - Twm dawb lub npe hu ua = Tsiaj nom tej sis nywj 

# Kev hu plig koj hu 2 tom cov lus hu ce yeej hu ib yam xwb tsua txawv kiag ntawm qhov tu qaib xwb:

A. Thaum tsis tau tua qaib ces hu hai tia: Muab qaib - muab qes tuaj hu .. (Lo rau saum qaib lo rau saum qes)

B. Thaum vom tu qaib siav lawm ces hu hai tia: Ua qaij ua hnov siav, muaj nqaij muaj hno siav ncho li lug ...(lo rau saum rooj nqaij - lo rau sawm rooj hnos ...) 

- Muaj ib txhais neeg hus plig lawv nyiam hus tia "kab mob kev nkeeg kuv tsi hu, kev ploj kev tuag kuv tsi hu, ... (Tab sis yog koj twb hu li lawm ce yog koj hu lawm, zoo tshaj mas kev hu plig txhob hus, txhob nqees txog fab tsis zoo li xwb).

- Muaj ib cos neeg nyiam hu pib tia "Hnub no yog zaj tso hnub - hmo no yog zaj tso hmo" raws li kev saib sij hawm lub caij nyoog ntawm kev kav lub niaj lub xyoo ntawm 12 tug tsiaj, tsis muaj ib hnub yog zaj tso hnub thiab yog zaj tsov hmo ua ke, yog koj nyiam  tsis hu li no lo tau, koj hos tsis nyiam li no koj tsis hu li no lo tau, Vim tia ib zoo twg mas muaj ib tug tsiaj kav, ib lub hli twg mas yog ib tug tsiaj kav lawm, cov hnub lo ib yam (Cov neeg yuav hu plig pib li no mas lawv yeej saub hnub saib nyoog es hu raws hnub yog yog xwb, lawv tsis lam tau lam nqees tia yog zaj tsov hnub yog zaj tsov hmo) yog koj hos paub hmob ntawv yeej yog tiag lo koj hu li tau kawg (Nyob ntawm nyiam).

- Hu plig ab tsis lo xij ... kev saib plig yog plig lo zoo lawm ces tsis luaj twg, tab sis yog saib es plig lo tsi zoo pom qhov muag sau lawm, kos taws nrhab tsi zoo, nyem tsis zoo, nplaig tsis lo zoo, txhib taub haus suv liab ploog tsis kaj tsi huv. Tsis txhob hais lus phem li ub li no, nco ntsoov tia yog koj yog tu hu plig lo yog luag cev rau koj ua thawj tug saib pom ces koj hai tia "Hia rau nej tsev neeg thiab kev txwj lau neeg paub nkawm qaib no tsis txau siab hu tsev neeg no plig, qhov muag sau tag, txhib taub hau suv liab ploog, plig plim ntus, kos taws chom cees tsis zoo ... muab txhoov rau sawv daws noj, tag kis (lo yog hnub twg khoom) mam rov mu yuav ob tug tshiab kom txau siab lo hu plig duas. Ces muab coj mu txhoov lo noj lawm xwb, yog tsis tau siav zoo ces muab txhoov coj mu hau kom siav nqa lo rau sawv daws noj es thiaj daws tau qhov teeb meem ua pom tshwm ntawv (Thiaj tsis muaj lus). Txhob tham thiab piav tia tu qaib tsis zoo, zoo li mas yuav tau ua neeb kho, yuav tau caiv li ub li no, tsam muaj teem meem li ub li no, hai li ntawv tsis zoo, Vim tej laus hai tseg tia dab muaj pob tseg xwb dab tsis muaj qhov muag, pom lo ua tu tsis pom ces tej ntawv tsis muaj hwv cheej ces thaum kawg thiaj tag mu thiaj tsis ua vij ua swv rau tsev neeg.

- Yog tu nplaig qaib kauv zoo zoo li lub voj ces koj hai kom lawv nrhiav ib txoj hlua lo koj khis ib txoj hlua rau xwb (nplaig kauv yog tu plig taij hlua khi tes xwb).

- Ntawm ob daig txhib taub haus yog haus tsis siav zoo ces yeej liab lo yog dub, yuav saib tsis saib lo tsis ua cas (yog saib pom lo hai tia hau tsis siav xwb, zoo kawg lawm) ces thiaj tsis muaj teeb meem.

- Hmoob laus thaum ub siv qaib hu plig xwb, tsis siv npua, nyuj, twm coj lo hu plig vim hmoob laus thaum ub ntseeg tia npua tsis paub ntuj sias, nyuj thiab twm tu ntsuj yog neeg. Yog muaj mob muaj nkeeg es plhws taub haus tia kom zoo tsos yuav muab ib tug npuas (nyuj/twm) coj lo hu plig no mas thaum zoo lawm mas thiaj muab coj lo hu plig xwb. Tab sis thaum hu plig yeej yuav siv qaib nrog, lo hus tsua lam muab tu tws npua lo yog tu tws nyuj/twm coj lo tso nrog kom kev txwj lau neeg pom luag paub tia yog tua ib tug tsiaj loj coj lo ua rooj plig xwb. Txheej tshiab niam no cov hlua tom qab no nyiam muab tu npua thiab tu nyuj/twm khi hlua cab kiag lo hu plig lawm (yog fiv lo yog npav tseg lawm), yog tsis tau npav tseg lam hu plog xwb ce tsis khis hlua li, Thxeej tshiab no lawv kuj muab tu tws npua, tws nyuj/twm coj lo saib plig lawm thiab, ntawm qhov muab tus tws coj lo saib plig no 99% yeej yog lam saib kom tag kev tag cias qhov luag muab lo cob rau yu saib es lam saib xwb, yeej tsis muaj neeg paub tia phem thiab zoo es tu tws zoo li cas tiag (Vim tej lau ib txwm tsis saib thiab tsis qhia saib), muaj tej tug kuj piav thiab tham hai tias txawj saib no tab sis cov saib tws npua, tws nyuj/twm feem ntau yog cov nyiam dej nyiam cawv lam muab lo saib tham hau cawv ua sis xwb.

- Kev hu plig yuav kom yog tiag tiag mas yuav tau ncwm qaib ua ntej, vim tias yus twb yuav siv nws lo hus plig, es txhob tos hus tag mam ncwm lawm. Cov laus thaum ub hu plig tag mam ncwm qaib, kev ncwm qaib tom qab hu plig tag zoo li peb ua ib yam ab tsis es peb tsis qhias tus neeg ntawv thaum ua tiav ces peb cia li yuam nws lawm xwb, txhij no lawm yav tom ntej yog leej twg hos nyiam li hai no lo ua ntej yuav hu plig mas yuav tau ncwm qaib ua ntej tag mam hu plig (tu twg hos nyiam hu tag mam ncws li qub lo tau), zaig no cov nyob sab Meka 95% hu plig ncwm qaib ua ntej lawm.

- Peb hmoob hu plig peb hmoob ib txhiab ib txhis yeej tsis muaj khis tes, Hu plig tag ces saib plig tag ce noj mov lawm xwb. Txij lis peb hmoob los poob rau xov tshoj (nplog teb) peb hmoob pom neeg nplog hus plig muaj khis tes ces tom qab nos peb hmoob cias li yoog neeg nplog ua lawm xwb (Hmoob txwj hmoob laus hu plig tsis khis tes).

Ncwm qaib: Tuav 2 tug xyab thiab tuav 1/2 tug qaib ce hais li no:

=> “Aud .. Koj tsiaj nom koob cib od (Me nkauj qaib-nraug laus) kuv tsi yug koj lo ua kwv tsi yug koj lo ua tij, Hnub no / Hmo no / xyoo lau tag xyoo tshiab tuaj lawm kuv muab neb coj mu hu .... kuv ib tsev 20 leeg no plig niam plig txiv plig tub plig kiv, plig nyiaj plaig kub, plig tsiag plig txhuv, plig qoob plig loos nyob rau qhov twg lawm los koj taws mus khawb li kawv kom rov li zawv, koj mu khawb li kos kom rov li hlov, kom koj nplig lo khau khoos, taub hau kaj liag, kos taws nyem nkaus, qhov muag puv ntoob nawb.

=> Hai rau nej niam txiv tuam txhiaj meej lwm txiaj meej nej qhib rooj lug hus, kuv hu nruab yaj, nej hu nruab yeeb nawb (Hai tag li no mam pib seev suab hu plig)

1.1 Hu Plig Peb Caug

  Npaj hu plig peb caug:

-          1 khub qaib (2 tug kom zoo hu plig xwb, ib tug nkauj ib tug laus)

-          1 taig txhuv

-          1 cos qes (tso rau saum cov txhuv – yog ntau muab lub tais lo rau, tawg lub lo tau)

-          1 txwm kuam

-         2 tswm xyab (Tsawg tswm lo tau)

Hu plig peb caug mas hus hais lus zoo nkaus xwb, hus hai txog cov nqes lus nram no:

-          kom qav tshiab tau noj, dej tshiab tau haus

-          los rau saum rooj nqaig rooj hno

-          Lo rau hauv vaj hauv tsev

-          Noj tsi tag kom txau ntiav dag, noj tsis txog kom txau ntiav zog

 

Thaum hu plig kiag hus raws 4 nqes hauv qab no:

1. Pib hu ib tsev 20 leej (Ntsuj duab ntsuj hlaus ntawm tsev neeg ua ntej)

            2. Hu plig nyiaj plig txiaj – Plig nyiaj pliag kub

            3. Hu plig tsiaj plig txuv

            4. Hu plig qoos plig loos

 

      Lub suab hu thiab pib:

=>Aws ..!!  Hnub no tsua zoo hnub, hmo no tsua zoo hmo, niam nkauj hnub tuaj ntsa li iab-niam nkauj hnub tuaj tsam noob neej nyob mu ib txhiab, txiv nraug hli tuaj tsa oos- txiv nraug hli yauv tuaj tsa noob neej noj qab mu nyob zoo .. “ Xyoo laus tag – Xyoo tshiab tawm tuaj ces .. kuv hu no kuv hu … (Kuv) nws ib tsev  20 leej - 9-5 -16 tus no cias li sawv tsees rov hlos los,… (Lwm 1 ces hu tia “Muaj qaib- muaj qes” Lwm 2 ce hu tias “Muaj nqaij muaj hno siav nchos li lug”) tos es kuv hu no kuv yuav hu ntsu niam ntsuj txiv, ntsuj tub ntuj kis … Ntsuj nyab – ntsuj vauv … Ntuj niam los ce yuav coj ntsuj txiv,  ntsuj txiv lo ce yauv coj ntsuj tub ntsuj kiv …. Xeeb leej xeb ntxwv …… ( hu hauv tsev mu tawm mu rau tom laij tom tej, chawm hauj lwm, kev mu kav kaib kav khws) ! (Hu mu kom tag 4 nqes sawv xwb) txawj hu li ca hu li ntawv xwb (Hu tau tsawg los yuav tsawg los).

Hu tag ce nqees ib lwm lo aus …. xwb ce tau lawm.

Qhia Kom Paub: 

- Hu plig noj peb caug tsis pub mu hus txog lav mob lav ntsaj, ntxwj nyoog kev mu thawj thiab thawj thws, tsi pub hus mu txog nyuj vag teem, 9 ntsuag kev sib xws ...  (Cov no yog hu plig neeg muaj mob muaj nkeeg xwb).

-   Lo lus tia "ib tsev  20 leej - 9-5 -16 tus" yawg vam lauj nyob Meka piav tia: qhov Nov yog ib cos lus hai ntog kom sib koos thiab kom muaj txwm xwb es hu plig yooj yim, Vim thaum ub tej laus ua neej nyob lub neej qub qab ces tej tub muaj nyab tag lawm lo tseem nrog tej lau nyob, ces ib tsev neeg muaj txog 20-30 tawm leej lo muaj (ce thiaj hu hai tia ib tsev 20 leej - 9 -5 -16 tus) nws hai tag tseg neeg thiab tej xeeb leej xeeb ntxwv ntawm tej tub nyab nrog ... coob dhau lawm tsi zoo tuav ib tug npe zuj zu (Ce tu txiv plig hu li xwb no)

1.2 Hu Plig Tub Nyab Tshiab

# Kev lwm qaib:

Ua ntej ..!!  Yuav muaj kev hu plig ntawv yog muaj tub ntxhais sib yuav, yog nyob - nyob tu tub yuav nyab lo ua ntej yuav nkag mu hauv tsev kev lwm qaib saib nkag mu saib "KAB TSHOOB KEV KOS" (2.3 Lwm qaib).

# Kev npaj hu plig:

     - Npaj ib tus npua

     - Ib nkawm qaib (ib tug poj-ib tug lau)

     - Ob lub qe

     - Ob tus xyab

     - Ib ntig txuv qe

     - Ib cov xov paj nrog rau ib rev paj

# Kev teeb hu plig tom 1:

     - Muab ntim txhuv thiab ob lub qe txawb rau hauv ntim txhuv, muab ob tus xyab hlawv txhos rau ntim txhuv qe, muab teeb rau nram qhov rooj tag sab puab rooj txuas. ( rooj txuas tig sab twg tso rau sab ntawv. Tsis hais hu plig dab tsis los yeej teeb li ntawv thiaj yog)

     - Muab tus npua nte lo tso ntawm tag, muab tig taub hau rau pem hauv plag.

     - Muab ob tus qaib rau tus hu pig tuav los yog kom me nyuam yaus tuav lo yeej tau, tig xub ntiag rau pem hauv plag thiab.

     - Siv txiab neeb nrog kuam lo tau (Tsis muaj txiab neeb cia li siv kuam hu xwb lo tau) 

# Cov nqes lus tseem ceeb tu txiv plig hus - Theem 1:

=>Aws ..!!  Hnub no tsua zoo hnub, hnub no tsua zoo nyoog od, niam nkauj hnub kav lub niaj - niam nkauj hnub tuaj tsa iab , kuv yuav muab qaib muab qes hus tub ... nyab .. ntsuj plig lo nyob ua hmoob poj hmoob yawm rau nkauj hnub teb mu ib txhiab, kom huaj vam ntsuab xws zoov nuj xiab, txiav nraug hlis kav lub xyoo , txiv nraug hli tuaj ntsa li oos,  kuv yuav muab qaib muab qes hus tub ... thiab nyab ..   nkawv ntsuj plig lo nyob ua hmoob poj hmoob yawm txhiab naj pluas xyoo ... (Tag li no ce  koj pib hu cov txwm li hauv qb no):

- Hu plig txij plig nkawm los ua ke (niam tuav txiv npab, txiv tuav niam tes txhob seev li yees rau kev nkauj txhob seev li yee mu rau kev nraug, niam yuav lo tiam dab tiam qhua, txiv ces yuav lo ua txiv vaj txiv tsev ...yuav lo ua hmoob poj hmoob yawm)  

- Nqee nkawd li plig tub plig kiv (Yuav lo tus tub kom puv vaj, tus ntxhais kom puv tsev, tus tub kom tsim txiaj lo tus ntxhai kom mloog lo, tus tub kom lo txawj tu ntxhai kom lo ntse)

- Plig nyiaj plig kub (lo kom coj mes plig nyiaj plig kub, plig noj tsi tag hau tsi coos ..)

- Plig tsiaj plig txhuv (coj plig tsiaj plig txhuv, plig qoob plig loos ..)

- Nkawd li liaj ia ncab liaj ia ntev kom nkawd ua lub neej zoo thiab muaj txhua yam xwb.

 

Ntau kuam: 

     - Kom txhawb tub thiab nyab nkawv ntsuj duab ntsuj lauv los rau hauv vaj hauv tsev = Ntau kom ob sab qhib plhos (ob sab ntxeev)

     - Txhawb tau lawm kom koos = Ntau kom ob sab khwb nkaus (ob sab khwb)

Thaum hu Plig tiav thawj tom:

    - Thaum hu plig tag lawm ma coj ob tug qaib thiab tu npua coj mu tua tseev (ntawm ob tug qaib coj lo vom, qes coj mu hau).

     -  Ntawm tu npuas nco ntsoov txiav cov sawb nqaij rau ob tus niam txiv , ob tus mej koob, niam tais ntsuab thiab tub phij laj (Txiav ib leeg ib ntoos tav rau). Seem ntawv muab ua ib qho ntxuag thiab hau noj xwb, Txiav tu tws npua coj mu vom, (Yuav coj lo tso saum lub phaj hu plig)

Thaum hau nqaij siav:

     - Tu txiv tsev yauv tau mu hai ib qho nqaij coj lo npws poj npws yawm (Laig)

# Kev teeb hu plig tom 2:

     - Thaum rau tau mov lawm mus rub cov laus neeg thiab 2 tus niam txiv, 2 tus mej koob; Tub phij laj, niam tais ntsuab los zaum sab pev,

     - Kev rub neeg: Rub ob tus niam txiv zaum sab pev rau tog txuas, ob tus mej koob zaum puab ob tus niam txiv, tub phij laj puab ob tus mej koob. Niam tais ntsuab zaum puab tub phij laj, seem ntawv tseg rau cov laus neeg zaum.

     - Thaum rub cov neeg zaum txhij lawm tus tswv tsev muab ob tus qaib hu plig vom tau ntawv thiab ob lub qe nrog rau tus tw npua, ob tus xyab coj mus teeb rau nram rooj tag (Li qub tig taub hau lo hauv tsev).

# Cov nqes lus tseem ceeb tu txiv plig hus - Theem 2:

=>Aws ..!!  Hnub no tsua zoo hnub, hnub no tsua zoo nyoog od, kuv yuav hus mes tub ... thiab me nyab ... nws ntuj plig, plig txij plig nkawm, plig nyiaj plig kub, plig tsiaj pliag txuv, plig qoob plig loos, plig liaj aiv ncab plig liaj ias ntev  .... lo rau sawm lub rooj tshoob lo rau sawm lub rooj kos, qab rooj ces muaj kev txwj - qaum rooj ces muaj kev laus, vaj tsab li xeem txhiaj xeeb pov meem, tub lo ces tub yuav tuav nyab npab lo khis noj nkoj vab, nyab lo ce nyab yuav tuav tub tes lo khi noj nkoj lev, yuav lo ua txij yuav lo ua nkaws, kev txawj neeg laus niam txiv tuam mem koob, phij laj niam txia ntsuab yuav coj mu tis tshoob yuav coj mus tis kos, yuav mus tis neej tis tsav, yuav ua qas yeev mus - yuav ua qas yis los - qas txhiab qas pua txoj yuav lo tus tub yuav lo tus kiv, yuav lo tus ntxhai ua hmoob poj, yuav lo tu tub ua hmoob yawm,  .... (Thaum hu li no tag ce mam hu tia tub nyab lo ces coj: .....)

- Plig tub plig kiv 

- Plig nyiaj plig kub

- Plig tsiaj plig txhuv 

- Coj liaj ia ncab liaj ia ntev 

 Thaum hus puv lawm ces  ntau kuam zoo lawm ces nqas lo txawb rau sawm rooj lawm xwb

# Cov txheej cawv thaum hu plig:

   1. Hau tus cawv hu plig

   2.  Hau tus cawv to plig

   3.  Hau tus cawv cheb plig

   4.  Hau tus cawv khi tes

   5.  Hau tus cawv ua tsaug plig

   6.  Hau tus cawv txhawb plig

   7.  Hau tus cawv xa plig rau tub nyab

Qhia Kom Paub: 

Thaum khi tes tas no sawv daws noj mov; tom qab noj mov tag yog yuav mus ua tshoob ces peb yuav tau hau cawv tshoob, yog tsis tau mu ua tshoob ces tsis tau hauv cawv tshoob los tau (Yog hos cawv kiag tso cia es lwm hnub hu tuaj noj mov npaj mu lawm xwb lo yeej tau ib yam).

# Cov txheej txheem cawv tshoob kos (yog hau kiag txua rooj plig), nkag mus saib tom "KAB TSHOOB KEV KOS" 

1.3 Hu Plig Me Nyuam Tshiab (3 Tag Kis)

      Kev hu plig me nyuam tshiab thaum 3 tag kis yog ib txoj kev ntseeg ua peb hmoob ib txwm coj los lawm thaum hus plig ntawm muaj fij dab pog nrog thiab vim peb hmoob muaj ib txoj kev ntseeg tias yog nkawm niam txiv kab yeeb (Xwm laus nyiaj keeb) yog ob tug coj tub kis los yug rau yus tsev neeg, ces thiaj uas nkawv tsaug thiaj muaj fij dab pog, Txheej tshiab niam no feem ntau hu plig khis tes kiag tib zaug thaum puv hlis lawm xwb thaum 3 tag kis tsis tshua muaj lawm (muaj tsawg lawm).

# Kev fij dab pog (fij kab yeeb) muaj 2 yam:

- Muab qaib caij fij

- Tuas qaib vom siav siav lawm mas fij 

1.3.1 Muab qaib caij fij (Tom 1)

        - Muab 1 lub rooj coj li teeb rau nram qab qhov rooj tag sab nrauv

        - Kib ib taig paj hmoos tso rau

        - Rau 2 khob tsuaj (dej rhaub tso paj hmoo rau hauv) 

        - Txaug 4 com ntawv kom zoo nkauj

        - Ib tug laus qaib quas qaws

        - Ib ntiv txuv (khob txhuv)

        - Xyab 6 tsum, yuav hlawv 6 tsum xyab txhos rau hauv tia txhuv (khob txhuv)

Thaum npaj tiav li no lawm ces koj mam lo hlawv 6 tswm xyab koj nqa tus qaib ces koj mam lo hai tia:

=> "Au ! Hnub no yog hnub dawb hnub zoo, kuv muaj 6 tswm xyab ua 1 kab yeeb, kuv yuav thov kab pab, thov hais rau niam nkauj qas nchas txuj - txiv nraug nchas teb, Niam nkauj xa suab- txiv nraug xas lus, nkauj xas xov txiv nraug xas moos, niam nkauj huab-txiv nraug cuas. Neb pab xas kuv cov lus no kom ntos plaws rau "2 niam txiv xwm laus nyiaj keeb" nyob pem ntuj ceeb tsheej, 2 niam txiv xwm laus nyiaj keeb od, neb pab xas kuv tus mes (Ntxhais/Tub) lo txog vaj txog tsev lawm, peb tag kis kuv muab qaib muab qes hus nws plig, muab tis lub npes hus ua "......" yuav lo nyob ua hmoob poj hmoob yawm, kuv muab 6 tswm xyab no hu txog neb, kuv muaj ib nkawg qaib (ib tug lau qaib qua qaws, nyob ntawm seb npaj tau li ca ce hai li ntawv) nyob ntawm no, neb xas tub xas kiv lo txog lawm, kuv yuav muab ib ib nkawg qaib/Ib tug qaib lo ua rooj nqaig rooj hnos ua neb tsaug, neb tuaj pov hwm kuv tus me nyuam, 2 khob cawv tsuaj, 1 taig paj tshiab nov ua neb tsaug, neb tuaj lees neb siav tsiaj, es ua nqaij ua hnos siav kuv li fij tom rau neb noj od"  ....( Ntau kuam cob siav tsiaj - sab sab kwb sab ntxeev ces lees lawm) .. ce coj qaib mu tuas vom lawm xwb.

Thaum fij tag tom 1 no ce tig mu hu plig tom 1 (1.3.3)

1.3.2 Muab qaib caij fij (Tom 2)

      Thaum vom tau tu qiab (lo yog 2 tug qaib) lawm ces muab coj mu teeb rau ntawm lub rooj:

          - Teeb qaib rau

          - Muab ib lub phaj / lo yog ib lub tais (hai ib qhov mov tso rau hauv)

          - Muab 3 rab diav txho rau cov mov

          - npaj 6 tswm xyab

Thaum npaj tiav li no lawm ces koj mam lo hlawv 6 tswm xyab koj mam lo hai tia:

=> Au !! yuav hu txog neb nkawm niam txiv xwm lau nyiaj keeb nawb, ua nqaij ua hnos saiv lawm neb lo lees nqaij lees hnos, yuav fij tom rau neb noj nawb  .... (ntau kuam kiag yog lees .. Sab khwv sab ntxeev)

Thaum lees lawm ces koj ib sab tes tuav ib rab koj des kiag ib qhos me nqaij .. koj muab rab daiv hais ib qhos kua nqais ces koj hai tia:

=> Au !! neb nkawm niam txiv xwm lau nyiaj keeb od, neb xa tub xa kiv lo nqaij hno saiv fij tom rau neb noj, neb tuaj noj tuaj pov kuv tus me nyuam kom loj hlob, tsi quav lav tsi quav zis, tsi txom niam tsi tshom txiv, tsi muaj mob tsi muaj nkeeg, kom ua neeg tsim txaj, kom lo ua hmoob poj hmoob yawm, lo noj luag thawj nqaig lo hau taus luag thawj cawv, lo hai luag thawj lus nawb  es neb lo noj lo haus nawb (ce muab diav mov nchuav kiag rau hauv lub phaj, muab qhov nqaij tso kaig rau ce hai kuag ywg kaig rau).

 Yog npaj ib tug qaib xwb ces tsua des ib zaug (hu ib zaug xwb) tau lawm, yog npaj 2 tug qaib ces yuav tau des dua tus thiab es hai ib yam li qub xwb, thaum fij nqaij hno tag lawm ces lo cob ntawv rau xwb.

Cob ntawv koj hai tia:

=> Au !! neb nkawm niam txiv xwm lau nyiaj keeb od, neb xa tub xa kiv lo muab nyiaj txiag xyab ntawv no rau neb nawb (seb npaj tau li ca hai li npaj xwb) ... (Ntau kuam lee lawm ces lo hloov cov ntawv xwb) 

Thaum koj hlauv ntawv-ntawv koj ua nkawv tsaug hai tia:

=> Au !! neb nkawm niam txiv xwm lau nyiaj keeb od, neb yuav rov mu vaj mu tsev neb pov hwm pov yawm kuv tu me nyuam kom zoo - rooj nqaig rooj hno ua neb tsaug - nyiaj txiag xyab ntawv muab ruab neb nawb.

Tag no ces ntsaig lub rooj faj kab yeeb tseg cias tau lawm, ces tig lo hu plig tom 2 lawm xwb (1.3.4).

1.3.3 Hu plig me nyuam (Tom 1)

         Thaum twb cob siav tsiaj tag lawm ces mam los teeb qaib-qes ntawm qhov rooj tag ces mam pib hus plig thawj tom. 

Ua ntej yuav pib hu plig, koj yuav tau hu niam txiv txhiaj meej pem xeeb, xwm kab kom qhib rooj lug tos thiab koj ncws qaib  cov lus ces hai tia:

=> Au !! hai rau koj niam txiv txij meej pem xeem xwb kab od, thiab neb nkauj qaib nraug laus od, hnub no 2 nkawm niam txiv xwm lau nyiaj keeb tau xas ib tug me (tub/ntxhais) lus rau tsev neeg no lawm lub npes muab tis hu ua "...." kuv hu plig saum yaj, nej hu plig nruab yeeb es qib rooj lug tos plig tub plig kiv nawb.

Cov lus hu plig:

=> Au! ... hnub no tsua zoo hnub, hnub no tsua zoo nyoog os, "neb nkawm niam txiv xwm lau nyiaj keeb" tau xa tu me ntxhais/tub rau 2 tug ua niam ua txiv lawm, Niam zoo siab - txiv zoo plawv, niam muab qaib - txiv muab qes, niam tis hlub - txiv tis npes, thoov kab rau luag mus - thos kev rau luag taug, yuav tis lub npes poj npes yawm, yuav tis npe nom npes tswv rau tu me ntxhai/tub no, Niam nkauj hnub ces tuaj ntsa li iab - yuav tuaj pov hwm noob neej ua neej nyob mu ib txhiab, nkauj hnub ces tuaj ntsa lis oos - yuav tuaj saib noob neej ua neej mus txhiab niaj pua xyoo, kom hmoom poj ce noj qab kom hmoob yawm ces nyob zoo os, 

=> niam tis npe ua siab tub ces npe ua " ...." txiv tis npe ua siab kis ce npe hu ua "....", nws lo rau niam lav sub dub - lav tus tub, nws lo rau nws niam lav sub doog - lav tus kiv es niam qhib rooj teb nws nqis rau ntiaj teb, niam qhib rooj ntug nws nqis rau lub tiaj ntug, nws lo rau niam lav sub dub niam sawv tus tub, txiv lav sub doog txiv sawv tus kiv, nws tau ceeb tau ntshais, nws me nkaj vab nkoj lev, nw me yia me tsu, rooj ntaub rooj ntawv, rooj nom rooj tswv tau qaij qaug li yeev rau lav sub dub lav tu tub, qaij qaug li yeeg rau lav sub doog lav tus kiv - tau ceeb tau ntshai rau lub ntiaj teb tau pws li kos rau txhoj mob, tau pws lis yeev rau lub txoj nkeeg lawm lo niam txiv muab qaib muab qes tuaj hus lawm ces cia li sawv tseem lo aud ...!!  

=> Txhob zwm rau lav sub dub, txhob zwm rau lav xub roog, tsis txhob ceeb tsis txhob ntshais es lo aud .. txhob mus rau neej sau tsav, txhob mu rau sawm kwv sawm tij, txhob mus nram mab nram suav, txhob mu rau luag kiab luag khws, lo rau hauv vaj lo rau hauv tsev es lo tau zoo niam lo tau zoo txiv lawm niam txiv tis npe nom npe tswv tis npes poj npes yawm rau lawm kom lo saum qaib sau qes .. ces cia li lo aud ....  

(Ntau kuam yog kuam lo zoo lawm ces hu tia lo aus!!, ces maub qaib coj mu tua law xwb, yog koj ncws ua ntej lawm ces tsi ncwm qaib lawm, yog tsi tau ncwm ces ncwm tso mam tua qaib).

Thaum hu plig tom 1 tag ce tig mu fij dab pog tom 2 (1.3.2)

1.3.4 Hu plig me nyuam (Tom 2)

        Kev hu plig me nyuam tom 2 ces yeje hu ib yam tom ib xwb, tsua hloov qhov lo rau saub qaib saum qe - mu ua lo rau saum rooj nqiaj rooj hnos thiab thaum hu tag qhov " lo rau niam lav sub dub niam sawv tus tub, txiv lav sub doog txiv sawv tus kiv, nws tau ceeb tau ntshais ..... ce ntxiv qhov hauv qab no rau xwb: 

=> Nws mes nkaj vab nkoj lev  qaug lawm lo kuv rub zog tuaj nruab nrab, nws me rooj noj rooj hau qaug lawm lo kuv rub zog rau nruab tsev, yuav tsaws 9 tas laj 8 tas mov, yuav tsaws 9 taig nqaij laib, 8 taig txhuv ntsiab  rau nws noj nw haus, niam tshuav 9 phav tsuj, txiv tshuav 8 phav npuag, niam tshuav 9 txhab qoob, txiv tsuav 8 txhab loos yuav muab rau nws noj, lo nyob lo ciaj hmoob niam hmoob txiv lo ua hmoob poj hmoob yawm, lo noj luag ntxhub ua niam siab tub, lo nyob noj luag ntxhis lo ua niam siab kis  es los au ... Ce ntau kuam yog zoo lawm ces hai tia lo aus ... ces ntsaig coj mu cais saum lub rooj lawm xwb.

Kev saib plig khis tes thiab txhawb plig ntawv ces mam saib thiab khis tes raws cov txheej cawv lo mu xwb ce tau lawm.

Qhia Kom Paub:

 - Ntawv tu qaib/ob tug qaib fij dab pog thaum fij tiav lawm ces cia li coj lo txhoov noj lawm xwb

 - Nyob ntawm npaj tau yuav fij kab yeeb ua ntej mam hu plig lawv qab lo tau, hos fij kab yeeb ua ntej mam hus plig tom qab lo tau (ua qhov twg ua ntej lo tsi txhaum)

 - Npaj ib tug lau qaib qua qaws (ib tug xwb lo tau), npaj 1 khub 2 tug lo tau (nyob ntawm muaj xwb, qhov no tsis txhaum)

 - Ntawm tu qaib yuav yog tu poj xwb lo tau, yuav yog tu lau lo tau, yuav npaj ob tug ib tug nkauj ib tug laus lo tau (tsi txhaum nyob ntawm muaj xwb)

 - Niam nkauj kab yeeb - Txiv nraug kab yeeb = Niam nkauj kab yeeb - Txoov kab yeeb = Nkawm niam txiv kab yeeb = Nkawm niam txiv xwm laus nyiaj keeb. Tej laus hai tias nkawm niam txiv kab yeeb no lub npe hu tiag yog hu ua "Nkawm Niam Txiv Xwm Laus Nyiaj Keeb" no, yog zoo tshaj mas koj yuav tau hu li ntawv, tab sis muaj tej tug tsis paub es hnov luag hu ces hu xwb ces cia li hai tia "nkawm niam txiv kab yeeb", lo yog cia li hu tia "niam nkauj kab yeeb txiv nraug kab yeeb", lo yog hu tia "Niam nkauj kab yeeb - txoov kab yeeb" koj hu li no lo yeej tau ib yam tsis txhaum, nyob ntawm tus nyiam hu xwb.

 - Tuas qaib vom siav siav lawm mam fij = Yog koj fij ib lwm xwb tsis cob siav tsiaj ces koj cia li vom tus qaib kom siav siav ces koj mam coj mus teeb rau, ua ib yam li thaum koj twb fij tag tawj tom ces lo ua tom 2 lawm xwb, Tab sis yog koj fij li no ce qhov txawv ces yog thaum pib ntawv koj yuav tau hu ob niam txiv xwm lau nyiaj keeb ua ntej es ntau kuam kom lee tia tuaj lawm tso ces mam pib xwb (Yuav fij qaib ciaj cob siav tsiaj tag mam fij nqaij fij hno lo tau, cias li npaj tiav tiav mam hu tuaj fij nqaij fij hnos xwb lo yeej tau ib yam, nyob ntawm seb nyiam li ca ces npaj li ntawv xwb).

- Lo lus hai tia " Nkoj vab-nkoj lev" = yog hai txog lub rooj noj rooj haus

1.4 Hu Plig Tsuj Xeeb 

1.4.1 Tus muaj kev tsuj xeeb zoos li nram no

- Ib tus me nyuam twg thaum nws yug los txog muaj ib qho dub los yog xiav ntawm caj ntswm (Nws tshwm txoj leeg ntsuab ntsuab ntawm caj ntswm 2 kis qhov muag) muaj qee lub caij nws noj tsi tau mis lo yog tsi kam noj mov li 2-3 hnub mam rov noj mov (cov me nyuam li no yog muaj lub cawv xeeb, ce thiaj yuav tau hu plig tsuj xeeb), Hmoob laus ntseeg tia tus me nyuam muaj lub cawv xeeb no yog lo ntawm qhov thaum nws tiams ua ntej tag lo ntawv nws yog ib tug neeg tseem ceeb nws tej tub tej kiv tuas tsiaj ntau rau nws, thaum nws thawj thiab lo ua neej tiam tshiab es nws tseem mes nws tu ntsuj plig tseem nco tseem txhawj txog nws tej tsiaj tej txuv ua nws muaj nyob nruab yeeb ces nws thiaj tsis noj mis 2-3 hnub mam rov noj mis duas (thiaj phej ua li ntawv) ce thiaj yuav tau hu plig tsuj xeeb rau nws.

- Yog tus me nyuam twg muaj mob los yog quaj quaj, Npav npua tsuj xeeb rau zoo lawm.

- Cov laus muaj mob los yog qaug zog. Npav rau zoo lawm yuav tau ua rau.

1.4.2 Kev tsuj xeeb npaj li no

- Ib tus npua muaj li 5-6 cheej.

- Ib tus qaib hu plig (Yog poj niam muab tus lau, yog txiv neej muab tus poj)

- Ib xyoo tsuj ib zaug, tsuj kom puv 3 xyoo.

- Tsuj xeeb hu plig nrog tab si tsis khi tes.

- Kev tsuj xeeb ua thaum lub xyoo lau yuav tag. (qab xyoo)

Qhia Kom Paub:

Kev hu plig tsuj xeeb no yog tsev neeg hos txom nyem nrhiav tsi tau npua (npaj tsi tau npua) lo tsi ua ca cia li muab qaib hu xwb, ces nrhiav me ntsi zaub ua ib rooj mov rau sawv daws tuaj nrog noj nrog koom xwb ces tau lawm (Tsis yog tia yuav tsum siv npua nkau xwb thiaj tau) Ntawm qhov tia yuav tau npaj ib tug npua 5-6 cheej ntawv yeej yog npaj lo hu plig thiab tab sis ib qhov yeej yog npaj kom ua pig es muaj zaub noj xwb thiab, yog koj txom nyem ces siv qaib xwb lo tau ces mam npaj rooj mov xwb, tab sis yog cov tsis txom nyem tej laus lawv yeej siv ib tug npua lo hu plig nrog tu qaib (yog siv npua hu lo yeej tseem yuav muaj tub qaib thiab mas thiaj tau), vim tia kev tsuj xeeb no yog pib tsuj lawm ces yuav tau tsuj kom puv 3 xyoo, tsam ib xyoo koj npaj tau lwm xyoo koj ho npaj tsi tau lawm, zoo tshaj ces koj siv qaib xwb.

1.4.3 Txheej txeem kev tsuj xeeb.

- Ntes tus npua los hu plig tsuj xeeb nrog rau ib tus qaib thiab ntim txhuv qe, ib tus xyab.

- Thaum hu plig tag muab tus npua tua coj lo txhoov hau thiab ua ib qhov ntxuag.

- Thaum rau tau rooj mov rub tus yuav tsuj xeeb ntawv los zaum ntawm nrub nrab rooj sab pev. Ces hus kwv tij neej tsa los zaum kom txij. Tus txiv plig mam los hu plig.

 # Txheej txeem cawv:

       1.     Txum pib tuav rooj. ( tus no muab cov khob ce ib leeg ib khob cawv txawb rau ntawm cov zaum saum rooj xub ntiag).

      2.     Hau tus cawv tos plig tsuj xeeb (ob tus tub chiv cawv tom hauv pau rooj civ tus chawv tsuj xeeb tuaj mus), Nkawv yuav hais li no: 

=> Cov niam cov txiv sab pev sab nrav nrog rau neb ob tug tom ntsi rooj wb yuav chiv tus cawv tsuj xeeb tuaj rau tom neb nawb, Tab sis wb tsua yog tshaj tuaj ua ntej xwb tus cawv wb tseem nias tseg tom no tswv tsev tham lus tiav wb mam tsa tuaj nawb (8).

      3.  Tus coj lus tus sawv cev (Tswv tsev) thiab cov pe sawv rau sab nrav hais lus tsuj xeeb pib ntawm tus zaum puab tus tsuj xeeb sab puab rooj txuas ncig los mus xau ntawm tus tsuj xeeb.

Pib hai li no: 

=> Hais kiag tus zaum ntawv lub npe,  Hnub no txog (... hais tus tsuj xeeb lub npe) txog lub hwm theeb lub cawv xeeb, txog lub hwm thim lub cawv xim, txog lub hwm thav lub cawv lav. Noj tsis tau tsum qav vam koj tuaj nrog noj yuav nrog koj thov lub sawm 

(Pe kiag, Hais thov li  ntawv ncig los kom txhua neeg lo txog ntawm tus tsuj xeeb).  

      4. Thaum los txog ntawm tus tsuj xeeb. Ces tus coj lus hais ib qho nqaij sam rau tus tsuj xeeb tias:

=>  (...Hais tus tsuj xeeb npe), Hnub no txog koj lub hwm theeb koj lub cawv xeeb, Txog koj lub hwm thim lub cawv xim, txog koj lub hwm thav lub cawv lav. Huub no thov tau lub sau rau koj lawm lau, Kuv yuav sam rau koj tus cawv xeeb kom puv ntws, tus cawv lav kom puv mias. Cawv xeeb tsis pub qaij, cawv lav tsis pub qaug nawb.

      5. Tus coj lus rov los hais ib teg tag nrho tsoom laus sab pev sab nrav raw li no:

            A. Yuav nrog cov kev txwj kev laus sab pev sab nrav thov lub sawm (Pe kiag)

            B.   Yuav nrog cov kev txwj laus neeg sab pev sab nrav thov sam lub sawm (Pe kiag)

            C. Yuav nrog cov kev txwj lau neeg sab pev sab nrav thov tswm lub sawm (Pe tsis sawv lawm) 

     6. Ces cov lau saum rooj sauv mam ces cawv los rau cov pe ib leeg ib khob hais tias: sawv lau...

      7. Tus coj lus hais ntxiv tias:  Thov tsoom lau sab pev sab nrav pab tsa lub sawm lau.

      8. Tag li no ob tug tub chiv cawv mam haus tus cawv tsuj xeeb tuaj mus.

Cov nqes lus tseem ceeb tu txiv plig hus (Hu Plig Tsuj Xeeb):

=>Aws ..!!  Hnub no tsua zoo hnub, hnub no zoo nyoog, niam zoo siab txiv zoo plawv, niam muab muab qaib txiv muab qes, muab ib tug "Tsiaj nom koob tswb" hu koj ua ... (txiv, tub, niam, ..) pig, me ntsuj tsaug hnav cev tsoo maj txhav nqaij hu me ntsuj duab ntsuj plig nyuj cab nyuj kaus, ntsuj qaib ntsuj noog,

=> Hnub no niam muab qaib txiv muab qes, hu nws me ntsuj tsaug qaug li yeev rau lub xwm theeb tu cawv xeeb,  qaug li yeev rau lub xwm thav tu cawv lav, noj tsis tau diav qav, nws lo mas yuav muab tus tsiaj zeb dub txwv zeb daus hu nws mas sawv lo yuav muab nws lub nkoj vab rub tuaj nruab nrab, yuav muab nws lub nkoj lev rub tuaj nruab tsev, 

=> "tsiaj nom koob nywj" ris 3 tas nqaij liab  3 tas txhuv ntsiab, tsaws 9 tas laj 8 tas txhov, 9 tas zaub 8 tas mov, rau lub nkoj vab txu nthwb tuaj nruab nqab, noj hno tsis tshiab plab,

=>  muab nw  lub nkoj nkoj lev txu nthwb yeev tuaj rau nruab tsev, tsaws 9 tas laj 8 tas txhov, 9 tas zaub 8 tas mov, noj hno tsi tshiab plab, hau dej tsi tshaib cev, 

=> Nws txhob qaug rau kev cawv xeeb cawv lav, cawv xeeb cawv xim, cawv xeeb cawv xaws, 

qab rooj muaj kev txwj - raum rooj muaj kev laus, muaj vaj tsab li xeem,  txhiaj xeeb pov meem, tuaj noj tsuj mob hau tsuj kheeg, tuaj noj tsuj xaiv hau tsuj lus, cawv xeeb tsi phwj cawv xwm tsi nphaus lo es lo nawb txhob pws rau rau lub cawv xeeb cawv lav .......!!! (dhau nov ce yog koj txhawj hu li ca ces hu txiv lawm xwb, cov ntsiab lug tseem ceeb ce luaj li sau lo sawv lawm xwb)

# Kev tua tsiaj thaum hu plig tag:

  - Yog muab tu qaib hu xwb ces cia li ncwm tag ce coj mu tua lawm xwb (yog ncwm ua ntej ce tsi ncwm lawm lo tau)

  - Yog muab tu npua hu plig tsuj xeeb, ce koj yuav tau muab 3 daig xov txheej hlawv rau tu npua tag koj mas coj mu tuas.

  - Yog muab tu nyuj hu plig tsuj xeeb, ce koj yuav tau hlawv ib com ntawv rau nws tag mam coj mu tua

Cov lus hlawv xov txheej lo yog com ntawv ua ntej yuav tua tsiaj:

 => Koj niag "Tsiaj nom koob tswb" od, yuav thov koj dag koj zog mu hu luag ntsuj tub ntsuj nyuam ntsuj plig, luag ntsuj plig qaug li yeev rau lub xwm theeb tu cawv xeeb,  qaug li yeev rau lub xwm thav tu cawv lav, noj tsis tau diav qav lawm es yuav vam koj od.  (Ce hlawv ntawv tag mam coj tu tsiaj mu tua).

Hu plig tom 2 lo hu ib yam xwb thiab thaum hu tom 2 tag ce coj mu txawb sawm lub rooj ces mam pib cov cawv (li sau lo sau toj sauv) hu plig ib tom xwb lo 2 tom?

1.5 Hu Plig Neeg Qaug Txaj (Muaj mob pws tsis sawv)

Qhia kom Paub: 

Peb hmoob ntseeg tia tus neeg mob qaug txaj ntawv yog tim nws tus ntsuj plig yuav pib mus nrhiav kev mus thawj thiab yuav mu rau ntawm niam txiv lub rooj txaj qhov chaws pws ua yug nws lo (Saum neej no ce yog lub lav mob) thaum hu plig ntawv nco ntsoov tia lub txaj pws lub npes hus ua: Niam txiv vas chiv keeb-Niam txiv vas chiv kiv (Niam txiv vas chiv keeb chawm tsim noob keeb, niam txiv vas chiv kiv chaws tsim noob kiv ...)

# Kev npaj hu plig:

     - Npaj ib tug qaib (Yog tu pojniam ce npaj ib tug lau qaib, yog txiv neej ces npaj ib tug nkauj qaib)

     - Ib ntig txhuv 

     - Ib-ob lub qe (Ntau lub haj yam zoo)

     - Ib-ob tus xab (ib tswm xwb lo tau - ntau tu lo tau)

     - Ib txwm kuam

# Kev hu plig theem 1:

   A. Pib mus hus ntawm lub txaj qhov chaws nws pws ua ntej (Cov ntsiab lug hu muaj li hauv qab no):

"Ua ntej yuav hu zoo shaj mas ncwm tus qaib ua ntej" 

 Cov lus mu hu ntawm lub txaj, yog hu li hauv qab no:

=>Aws ..!!  Hnub no tsua zoo hnub, hmo no tsua zoo hmo, Niam Txiv vas chiv keeb - niam txiv chaws tsim noob keeb - Mes xeeb zeej rag dheev lub yaj ceeb" - "Niam txiv vas chiv kiv -niam txiv chaws tsim noob kiv , yub yeej yub kiv rag dheev lub yaj sam (Hai lub npe:......)  nws mes ntuj duab ntuj plig qaug li yeev rau niam lav sub dub-lav tus tub, lav sub doog-lav tus kiv, vas chiv keeb chawm tsim noob keeb, vas chiv kiv chaws tsim noob kiv, lawm los qaib qes hu kom sawv txhob mu pws rau "vas chiv keeb chawm tsim noob keeb, vas chiv kiv chaws tsim noob kiv" txhob mus pws ntawm no yog lav mob lav nkeeg es sawv tsees lo aws !!!! 

(Thaum hu li no tag lawm ces koj ntau kuam xwb yog kuam zoo (thaum no kuam zoo yog 2 sab ntxeev) lawm ces koj mam coj lo teeb tom qhov rooj tag koj mam pib hus plig, Yog ntau kuam tsis lo zoo ces rov hus dua xwb, hu 2-3 zaug kom ntau kuam los lawm mam coj mu teeb nram qhov rooj mam pib hu pig thiaj yog)

1    B. Kev hu plig theem 2:

1. Hu thawj tom - Tom 1: 

- Teeb ntig txuv thiab qes, xyab rau ntawm ib sab qhov rooj 

- Ib sab tes tuav tu qaib ib sab tes tuav txwm kuam (muab tu qaib rau ib tug yuav lo tau) qhuav tuav no ce yog tsam tu qaib ceeb es qaib ntis xwb. 

Thaum hu plig kiag hus raws 3 nqes hauv qab no:

1. Pib hu kev poob plig, kev ceeb kev ntshai

            2. Hu mus rau kev ntsuj plig mus thawj thiab (ua xyoob ua ntoos ua tsiaj ua txuv ab tsi lawm lo kom lo)

            3. Hu hus mu rau lub lav mob lav nkeeg, txwj nyoog kev mu thawj thiab thawj thws, hu mu pem nyuj vag teem, 9 ntsuag kev sib xws ...!!

            Thaum hu puv lawm ces muab cov qes coj mus hau kom siav, muab tus qaib coj lo tua (yog ua ntej hu koj ncwm lawm ces cia li coj mu tua lawm xwb, yog tsis tau ncwm ces koj yuav tau ncwm tsos mam tua) thaum tua tu qaib vom zoo lawm ces mam rov coj lo teem mam rov hus dua lwm 2.

2. Hu plig tom 2:

- Teeb ib qhos mov, thiabqe, xyab rau ntawm ib sab qhov rooj 

- Teeb tu qaib vom saiv rau ntawv thiab

Cov lu hus plig ces hus kiag ib yam tom 1 xwb ( nws txawv qhov muab qaib-qes muab hloov los ua nqaij-hnos lawm xwb) thaum twg hu txhij hu txhuas lawm ces mam ntau kuam yog kuam txawb thiab kab zoo lawm ces khaws lo cia saib plig lawm xwb. 

1.6 Hu Plig Fiv Tsiaj Loj

Qhia kom Paub: 

Peb hmoob ib txwm tsis pub muab tsiaj loj lo hu plig, tab sis yog muaj mob muaj nkeeg tau fiv thiab hai rau tu mob tseg tia kav tsij zoo lo mam muab ib tug tsiaj (npua, Nyuj, twm) coj lo hu nws plig no, yog tau fiv li no lawm ces thiaj siv tsiaj loj hu plig xwb.

Yog li thaum luag thov koj hu luag plig (koj raug thov ua tus txiv plig) lawm koj yuav tau nug kom paub meej tseeb tia:

- Yog lam hu plig xwb los yog fiv lawm ? Txhawm rau kom koj thiaj paub npaj es hu thiaj tsis yuam

- Lam hu plig xwb yog li ca - txawv fiv li ca? Kev hu plig loj xws lis muaj tub ntxhais kawm tiav es muab nyuj hu plig, zoo siab muab nyuj twm lo hus ib tseg neeg plig kev hu plig li no yog lam hu xwb, Thaum hu plig ntawv tiag tiag mas tsua muab 2 tug qaib coj lo hu plig xwb ces ib pliag mam tuas cov tsiaj loj coj lo noj ua nqaij noj xwb, txawm lub rooj plig yuav hais tia muab nyuj, muab twm, muab npua hu plig no lo yeej tsis coj tus tsiaj ntawv lo hu plig tiag (Vim peb hmoob ntseeg tia cov tsiaj loj no cov ntsuj yog tib neeg), ntawm lub nrob nyuj - tu tws nyuj, nrob twm - tu tws twm, thiab ntawm tus tws npuas ua txiav lo vom tso saum rooj ntawv tsua yog lam txiav lo tso kom kev txwj neeg laus paub tia tau muab ib tug tsiaj loj lo ua rooj plig xwb, ib txwm hmoob laus yeej tsis lam muab coj lo saib plig (yog hos muaj neeg cev rau koj saib lo koj tsua txais lo saib ib muag ces hai ib lo lus zoo rau xwb, vim tias peb hmoob lau ntseeg tia qaib thiaj paub ntuj sias ces kev saib plig yog saib qaib xwb, hmoob laus ib txwm tsis saib tws nyuj, tws twm, tws npua, thiab tsi saib nrob nyuj nrob twm), kev hu plig tsiaj loj hu raws kev zoo siab thiab npaj tau xwb ces koj cias li nug lawv tag paub lawm ces cai li hus xwb, tsis nyuaj, txawj hu li cas ces hu li ntawv xwb lo tau.

 - Yog fiv (lo yog teem cia) thiab khis tes ua ntej tia kom zoo mam muab tsiaj (Npua, Nyuj, twm) coj lo hu nws plig, thaum zoo lawm es ua pig rau nws ces peb hmoob laus hu tia fiv lawm. Kev hu plig fiv tsiaj loj thaum yuav hu plig yog tus npua ces muab tu npua pav coj lo tso hauv tsev ntawm ib sab  qhov rooj, tso taub haus tig tuaj hauv tsev (pob tws tig nraum zoov) yog hos tsi nqas tu npua lo tsev es tso nraum zoov xwb lo yeej tig ib yam (tab sis muab ib txoj xov kis cab lo tso rau ntawv tias txuv thiab cov qes), yog hos yog tu nyuj lo yog tus twm ces kom tsev neeg muab txoj xov paj lo yog ib txoj hlua me me coj mu khi tu nyuj lo yog tu twm ntawv kauj ntswm ces cab txoj hlua lo rau ntawm lub tais txuv thiab cov qes ua npaj yuav hu plig ntawv, ces haus rau tus yu yuav hus nws plig ntawv tia koj niam koj txiv / koj tub koj kis muab ib tug tsiaj hu koj plig lawm ces lo tuav tus tsiaj od.

  # Kev hu plig tsiaj loj feem ntau yeej yog muaj mob muaj nkeeg thiab tus siab es npav lo yog khis tes plhws taub haus tseg lawm mas thiaj hu xwb, cov ntsia lu hu plig tseem ceeb ua tus txiv plig tsim nyog yuav hu ntawv muaj li nram qab no:

=> Aw ...!!!   Hnub no tsua zoo hnub, hnub no tsua zoo nyoog, koj niam koj txiv/koj tub koj kis zoo siab zoo ntsws tau muab ib tug (Hai tus tsiaj npe ... ) lo nqees koj ntsuj koj plig es, kuv yuav nqee koj plig_hu me ntsuj tsaug hnav cev tsoo maj txhas nqaij me ntsuj duab ntsuj plig nyuj cab nyuj kaus_Nws qaug yeev rau lub txhoj mob txhoj nkeeg, kab thawj thiab kev tus siab, kab thawj thws kev tus saus, lo hnub no kuv yuav hu koj es lo aud, muab "tsiaj nom koob nywj"  nqees koj ntsuj duab ntsuj plig es koj lo es tshuav zoo tub zoo nyab tshuav niam tshuav txiv tshuav kwv tshuav tij, muab "tsiaj nom koob nywj" ris 3 tas nqaij liab hus koj lo noj hnos yuav lo nyob mu ib txhiab, muab "tsiaj nom koob nywj" ris 3 tas nqaij luaj ywm  koj lo noj 3 tas 3 tawg txhuv kws, koj yuav lo ciaj ua hmoob poj lo nyob ua hmoob yawm, yuav lo nyob yaj teb noj yaj mov, yuav lo nyob yaj ntug hau yaj deg, txhab koj deg txhab koj ntshav, txhawb koj dag txhawb koj zog,  ntxiv koj hnub txua koj nyoog, koj lub nkoj vab ces yuav rub zog tuaj nruab nrab, koj lub nkoj lev ces yuav rub zog rau nruab nrog, yuav tsaw 9 tas laj 8 tas txhov, 9 tas zaub 8 tas mov, "tsiaj nom koob nywj" ris 3 tas nqaij liab ua 3 tas txhuv ntsiab "tsiaj nom koob nywj" ris 3 tas nqaij luaj ywm  ua 3 tas txhuv kws, qab rooj muaj kev txwj - raum rooj muaj kev laus, muaj vaj tsab li xeem,  txhiaj xeeb pov meem, yuav rub koj npab lo noj nkoj vab, yuav rub koj tes lo noj nkoj les, koj yuav lo nyob ua siab poj siab yawm, lo nyob ua siab niam siab txiav, lo nyob ua siab tub siab kis, lo nyob 120 xyoo od ....!!! (Ce ntau kuam lawm xwb, yog kuam zoo ces nqees lo lawm xwb) 

Hu plig tom 2 lo hu ib yam xwb tsua yog hloov qhov "Tsiaj nom koob nywj" mu hai tia ua nqaij ua hnos siav es lo rau sau rooj nqaig rooj hno no xwb. Thaum hu plig tom 2 tag ces nqa lo txawb sawm lub rooj xwb.

# Thaum hu plig tom 2 lo cheb tes saum lub rooj yuav tau cheb tes, saum lub phaj muaj 1 khob dej, thiab taws ib tug tswm ciab, koj khaws cov xov poj tuav ntaum tes, kom tu neeg koj hu plig ntawv cev sab tes lo (khwb tes) ce koj mam cheb. 

# Cov lus cheb hai li no:

=> Au ... !! Hai nej tsoom niam tsoom txiv, kuv yog tus hu plig, thaub laus thaub tsi qoos noob es kuv yuav cheb mem tes es thov nej tsum feeb, koj tuav nkaus cov xov paj ce koj pib cheb ..=> Au !! hai rau koj ua niam ua txiv/Ua tub ua kiv  hnub no tsuav niam tshuav txiv/tshuav tub tshuav nyab/ tshuav txij tshuav nkawm, tshuav kwv tshuav tij (seb neeg lau lo neeg hlua hai rau li tu neeg xwb) luag muab ib tug "Tsiaj nom koob nywj" muab nkauj qaib txiv nraug noog lo nqees  koj ntsuj koj plig, rub koj lub nkoj vab teev yee tuaj nruab nrab, rub koj lub nkoj lev teeg yee tuaj nruab tsev, nkoj vab tsi qaij nkoj lev tsi qaug, yuav tsaw 9 tas laj 8 tas txhov, 9 tas zaub 8 tas mov, tsaw 9 tas nqaij liab 8 tas txhuv ntsiab, tsiaj nom koob nywj ris 3  tas laib ua 3 tas txhuv ntsiab, ris 3 tas qhiaj ywm ua 3 tas txhuv kws rau koj noj, qab rooj muaj kev txwj - qaum rooj muaj kev laus, muaj vaj tsab li xeem,  txhiaj xeeb pov meem, yuav khis koj npab lo noj nkoj vab, yuav khis koj tes lo noj nkoj les, koj yuav lo nyob ua siab poj siab yawm, lo nyob ua siab niam siab txiav, lo nyob ua siab tub siab kis, lo nyob 120 xyoo od ...

=> Kuv cheb koj no kuv tsi cheb koj me ntuj duab ntsuj plig, tsi cheb koj me nkoj vab nkoj lev, kuv tsi cheb koj txoj koob txoj hmoov, tsi cheb plig niam plig txiv, tsi cheb plig tub plig kiv, kuv cheb no mas kuv cheb lub khuj mob khuj nkeeg,  cheb sub tawg cheb sub ntsav, cheb puam tias laig nyag, cheb mob cheb ntsaj, cheb ceeb cheb ntshais, kuv cheb plhws li zaws kom poob li tawv - kuv cheb plws li zos mas kom poob li thos ntag, cheb mu rau yuav taws kub kom ua huab ua cua mu lawm qub ntuj dub, cheb mu rau hlua taws hlawv kom ua huab ua cua mu lawm qab  ntuj kawg, muab mob muab coj mu nchuav nthws rau 3 ceg luaj tob - kom hnub no lawm tom ntej mas tsi muab mob, muab coj mu nchuav nthws rau 3 ceg luag dag, kom hnub no lawv tov mas tsi ua mob ua ntsaj, kom mu rau hnub coog hli kawg mu rau ntuj sab nraum ub teb sab nraum is, mus rau sab ntuj tsi muaj hnub teb tsi muaj hli, kom ntseg tsi hnov muag tsi pom ntag aud ... !!!

Qhia Kom Paub:

Kev cheb thiab ntov dej txhob ntov mu rau zaj pag zaj qhov vim peb hmoob muaj ib txoj kev ntseeg tia zaj muaj ntsuj (Luag yog neeg) thiab hwv cheej loj duas peb, yog peb ntov rau zaj pag zaj qhov ces luag twb yog tus tswv teb chaws, sawv toj thiab looj mem luag yog tus kav, ce luag yuav nphau lo rau poj koob yawm txwv ces thaum kawg yuav rov lo txog cov cuab twj yim, vim thaum poj koob yawm txwv txom nyem ces yuav lo ua mob ua ntsaj rau cov cuab twj yim.  

# Cov lus hlawv xov paj hai li no:

 => Kuv hlawv no mas kuv hlawv lub khuj mob khuj nkeeg,  hlawv sub tawg hlawv  sub ntsav, hlawv  puam tias laig nyag, hlawv  mob hlawv  ntsaj, hlawv  ceeb hlawv  ntshais, hlawv kom mu ua huab ua cua mu lawm qab ntuj dub, hlawv kom ua huab ua cua mu lawm qab  ntuj kawg,  kom mu rau hnub coog hli kawg mu rau ntuj sab nraum ub teb sab nraum is, mus rau sab ntuj tsi muaj hnub teb tsi muaj hli, kom ntseg tsi hnov muag tsi pom ntag aud ... !!!

# Cov lus txhawb plig hai li no:

Thaum hlawv xov paj tag lawm ces, koj kom tu neeg ntawv nws ntxeev sab tes lo koj khaws ib lub qe (lo yog muab ib qho nyiaj lo yog muab qhov txiv rau tu neeg ntawv tuav) ces koj mam txhawb plig rau nws, cov lu hai li no:

=> Au ..!! kuv txhawb no yog kuv yuav txhawm koj me ntsuj duab ntuj plig, txhawb lo nce hlo lub nkoj vab, yuav khis koj tes lo noj nkoj vab, yuav txhawb lo nce nkoj lev, yuav rub koj npab tuav koj tes lo noj nkoj lev, yuav lo nyob ua siab niam siab txiv siab tub siab kis, lo ua hmoob poj hmoob yawm, yuav lo noj hmoob thawj nqaig hau hmoob thawj cawv, noj hno kom txhab koj nqaij, hau dej kom txhab koj ntxhav, txus noj kom txu rog - txu noj kom txu muaj zog, txu noj kom txu nquag - txu noj kom txu hlua, txu noj kom txu pub - txu noj kom txu nyob dawb nyob huv - lo nyob 120 xyoo kom tsi muaj mob muaj nkeeg lawm auds.

Thaum tiav li no ces koj muab cov xav paj coj mu faib rau sawv daws lo khis tes lawm xwb, tab si tu txiv plig yuav yog tu khis ua ntej, koj khaws nkau 1-2 txog xov paj ces koj pib khis te ua ntej.

Qhia Kom Paub:

Thaum khis tes ntawv koj yuav tau saib seb tu koj khi tes ntawv hlua lo lau, nws hnub nyoog pua loj dua koj, lo hnub nyoog qis dua koj, nws lub hwv cheej loj lo me, nws pua ua nom ua tswv ces koj mam khis:

- Yog nw hnub nyoog mes dua koj nws tsi muaj hwv cheej ce koj khis txoj xov paj koj vas sab sauv tuaj (vim nws qis dua koj, koj lub yeej koob yeej huam pov tau nws lawm ce koj thiaj khis sab sauv tuaj)  yog nws ho me lo yog hwv cheej qis dua koj koj ho khis sab hauv mu xwb ces koj tsi pov tsi roos nws koj mu txhawb nws xwb tab sis nws twb tsi muaj hwv cheej li koj ce koj txoj xav paj ntawv tsis muaj nuj nqis ab tsis. 

- Yog nws lau dua koj, lo yog nws ua nom ua tswv es nws muaj hwj chim dua koj lawm, ce koj yuav tau khis sab hauv tuaj, vim koj txoj koob txoj hmoov pov tsi tau nws lawm, koj yuav tau khis sab hauv tuaj es ua tus txhawb nws mas thiaj yog (yog nws hwv cheej loj dua koj, thiab nws lau dua koj lawm koj khis sab sauv muv xwb ces koj txoj xov paj ntawv yuav pov tsi tau nws ces tsi zoo ab tsi.

- Cov neeg feem coob thaum khis tes lawm lawv cia li khis xwb, tab sis muaj tej tug neeg lawv yuav saib koj khis yog tia koj yog tu txiv plig ua yuav lo khi thawj thawj txog koj yuav tau kawm kom paub, vim peb hmoob laus muaj ib txoj kev ntseeg li ntawv thiab hmoob lau yeej khis tes li ntawv.

# Cov lus khis tes thaum koj yog tu txiv plig yuav hai li no:

=> Au !!! kuv yog tuaj nqees koj ntsuj duab ntsuj plig, kuv khi koj ua niam ua txiv/ua tub ua kiv tes kuv khis lo noj nkoj vab, hau nkoj lev, lo noj khi npab lo hau khi tes, lo noj 9 tas laj 8 tas txhov, 9 tas zaub 8 tas mov, 9 tas nqaij liab 8 tas txhuv ntshiab, noj hno kom puag cev hau dej paug chaub, noj nqaij txhav cev, hau dej txhab ntshav, txu noj kom txu rog txu noj kom txu muaj zog, txu noj kom txu puv txu noj kom txu nyob dawb nyob huv, txu noj kom txu nquag, txu noj kom txu hlua lo nyob ua hmoob poj lo zaum ua hmoob yawm, hau dej txhob rais feb, noj hnov txhob rais rov ce toj txhob ntshau tseg - nqis hav txhob ntshau raws ... kom txoj sia loj li lub hauv toj ntev li tu dej ntag aud ..!!!

1.7 Hu Plig Thov Niam Qhuav Txiv Qhuav

Vim li ca thij hu plig thov niam qhuav txiv qhuav?

- Yog luag muaj tej tug me nyuam muaj muaj mob, mu kho mob los phej tsis muaj 3 hnub zoo li, luag ntoj neeb ntxhuav yaig saib lo txiv neeb txiv yaig hais tia tu me nyuam xav tau niam koob txiv hmoov -niam qhuav txiv qhuav pov no, yog thaum zoo li lawm ces yuav tau mu thov niam qhuav txiv qhuav es coj tu me nyuam mu hu plig khis tes tom luag tsev (Ces yuav tau mu thov luag tso mam coj mus)

- Muaj tej tsev neeg luag tus ntxhais loj hlob, tab sis yog tau tus tub ces phej muaj mob muaj nkeeg phej xiam lawmມ lo sis muaj tej yim neeg luag tus tub loj  hlob xwb, tab sis tau tus ntxhais lo ces phej muaj muaj mob muaj muaj nkeeg, cov no luag yuav tau coj mu thov niam qhuav txiv qhuav pov.

- Muaj tej thaum me nyuam muaj mob muaj nkeeg tas mu li xwb, khos tag tswv yim lawm lo tsis muaj 3 hnub zoo, ces tej neeg txheeb zes cov paub tab tuaj plhws taub haus hais tia "lawv yog niam qhuav txiv qhuav es kom zoo yuav coj mu hu plig khis tes" es zoo lawm ces yuav tau ua (Cov ua li no mas feem ntau yog kwv tij zoo zoo tej zaum tsis tau thov li lo muaj tab sis  tau sib tham lawm, lo yog tias tej zaum yog zoo kwv zoo tij noj sib hlub haus sib cev ces cias li ua kiag xwb lo muaj).

- Ntawm tus niam qhuav txiv qhuav ua yuav mu thov mas yuav tsum yog nkawm niam txiv tus tub tus ntxhais loj hlob yawm vos tsis muaj mob tsis muaj nkeeg mas luag thiaj li mus thov nws. Yog koj yog tsev neeg tus tub tus ntxhais loj hlob dhias rhees ces muaj ib hnub twg luag yuav tuaj thov koj ua niam qhuav txiv qhuav (Luag pom tia koj ua tau lawm luag thiaj tuaj, yog luag tuaj lawm ces koj lees es npaj hu plig khis tes rau tu me nyuam xwb) ntawm qhov yuav ua ntawv nyob ntawm sib tham, yog koj muaj npaj tau ces koj npaj ces ua xwb, tab sis yog yu mu thov luag yog luag tsev neeg txom nyem tab sis yu xav tau luag lub yeej koob yeej huam ce yu yuav tau qhia luag paub tia "Hai txog ntawm zaub mov, dej cawv" ces cias yu mam tuaj es thov yuav lub yeej koob yeej huam xwb no (Qhov no twg npaj lo tsis txhaum nyob ntawm seb qhov twg yooj yim ces ua qhov ntawv xwb).

1.7.1 Kev mu thov niam qhuav txiv qhuav

- Npaj cawv thiab nqas 2 lub khob 

- Mu rau tom tus yus yuav thov ntawv tsev, mus txog tham qhia nws ua ntej txog cov teeb meem tia tau pom li ca es xav tuaj thov nws li ca (Yog yeej hai nws ua ntej lawm ces tsi tham lo tau)

- Thov lub rooj, rub 2 niam txiv lo zaum ntawm lub rooj, Chiv cawv rau 2 lub phaj cev rau nkawv

- Ces pib hais cov lus li hauv qab no:

=> "Hais rau neb ua niam ua txiv os, ... kuv tuaj no tsi muaj ab tsis, tseem txoj kev txoj cais ces yuav muaj zoo kab phaj tu ntxuag, pib dej pib cawv rau neb khaws mam hai neb. Tab sis xav tau ua tsis tau tsua ces tau ib khob me cawv rau neb xwb lo thov neb zam lub txim es muaj lus yuav tham rau neb, peb cub me ntsi cawv tso "Hau ib qhos me ntsi cawv (Cub cawv)".

=> Lus sam mas yuav hai li no, kuv tuaj no mas kuv (Tij laug/kuv ...tu tub, tu nyab ....?)  muaj ib tug me "tub/ntxhais" nws muaj txiab muaj nkeeg, tau ntoj neeb nthuav zaig saib, 9 neeb 10 tsawv lo luag hais tias nws yug tau lo nws yuav yuav niam koob txiv hmoov - niam qhuav txiv qhuav es thiaj tau tuaj thov neb ua niam koob txiv hmoov - niam qhuav txiv qhuav no, es thov neb txhob tsos pov tseg yuav coj tus me nyuam tuaj ua neb me nyuam, neb muab hu plig ua neb siab tub siab kis. Tu txiaj ntsha yuav nqa - tu txiaj ntsim yuav ris, es thiaj tuaj vam neb lo thov neb ua niam qhuav txiv qhuav txhob tso pov tseg thiab thov neb laus!!! 

=> Thaum koj tham tag li no ce luag yuav teb koj tia "Ua li mas, tsis tas muaj pib dej pib cawv li os, me nyuam ces yeej yog wb me tub me nyuam tsua qiv lub tsev lo rau tom nej xwb, es wb tsi tau xyeej tsi tau khoom thiaj tsi tau muab hu plig xwb, lo hnub no koj twb tuaj lawm ces cia muab coj tuaj es wb mam muab hu plig khis tes ua wb siab tub siab kis" 

=> Thaum luag teb li lawm ces koj sawv tsee mu pes kiag (Pes niam 2 pes, txiv 2 pes) thaum pes ntawv ce koj hais tia "Thov koj niam koob txiv hmoov - niam qhuav txiv qhuav nawb" 

=> Pes tag ces kom kab cawv, kab tag ces koj rov teev cawv dua xwb (yog luag hai tia hau li lawm xwb, no lo yuav li lawm xwb) yog luag hos nyiam dej nyiam cawv lo mam rov haus txiv xwb.

Yog yug yog tu mus thov luag ces ua qhov yooj yim qhia luag kiag tia "Me qaib qes wb mam npaj tuaj, zaub mov lo wb mam npaj seb neb khoom hnub twg?" yog luag teb tia "cia wb yog niam yog txiv wb mam npaj es neb cia li coj tu me nyuam tuaj xwb" no ce neb tsi npaj plua noj, tsis npaj qaib qe lawm vim niam qhuav txiv qhuav npaj lawm, hos yog niam yug txiv yug npaj tuaj lawm no ces niam qhuav txiv qhuav tsis npaj lawm lo tau.

1.7.2 Kev npaj ntawm niam qhuav thiav txiv qhuav 

 Niam qhuav txiv qhuav yuav tau npaj li hauv qab no:

- Mu yuav 1-2 ces khaub ncaws (yog koj hos npaj tau 1-2 ces khaub ncaws rau nws ces muab cov khaub ncaws tshiab kho rau nws hnav ua ntej yuav hu plig lo tau, thaum hu plig tas lawm mam muab kho rua nw hnav lo tau)

- 1 lub tais (Muab rau niam yug txiv yug nqa mu tom tsev coj mu rau tau hai mov rau nw noj)

- 1 rab diav (Muab rau niam yug txiv yug nqa mu tom tsev coj mu rau tau hai mov rau nw noj)

- Rub 1 tug me nyuam lo hu plig nrog tu me nyuam ua tuaj ntawv

- Npaj 1 txoj xov paj kom ntev, yuav khis tu nyuam tes nrog ib tug (yuav muab ib tog khi rau tu me nyuam ib tog khis rau tu rub lo hu plig nrog ntawv)

- Npaj 1 khub qaib (vim yuav rub ib tug nrog)

- Xaiv ib lub npes tshib rau nws (Hu plig yuav niam qhuav txiv qhuav yog hu plig daws npe)

# Thaum twb ua tag cov txheej txeem li hais lo saum toj no lawm ces mam teeb qaib qes hu plig: 

Cov lus hu plig yog li hauv qab no:

  ## Hu plig tom 1:

=> Au!!! hnub no tsua zoo hnub, hnub no tsua xyoo nyoog os, kuv yuav hu kuv tu me tub/ntxhai (Hia kiag lub npe tshiab ua koj xaiv rau ntawv), kuv yog niam pov koob txiv pov hmoov - niam qhuav txiv qhuav (yog niam qhuav txiv qhuav hus), Hnub no lo nrhiav tau niam pov koob txiv pov hmoov niam qhuav txiv qhuav (yog luag hu lo yog yu hu rau luag ce hai li no), hnub no yuav hu lo nrog  cov tij cov viv - cov tub cov kiv, hu lo nyob ua kwv - hu lo nyob ua tij, hu lo nyob ua viv - lo zaus ua ncaus, kom loj hlob lo ua niam siab tub, loj hlob lo ua txiv siab kis, noj mov kom txhab nqaij - hau dej kom txhab ntshav ..... (Txawj li ca ces hu kom pov lawm xwb) ces mam coj qaib mu tuas 

## Hu plig tom 2:

=> Hu plig tom 2 lo hu ib yam tom 1 xwb thiab (pauv qhov lo rau saum qaib qes mu hai tia lo rau sawm nkoj vab nkoj lev lawm xwb) 

## Thaum hu plig tiav

Kev saib plig ntawv ces saib ib yam li hu plig lwm yam xwb thiab, Saib plig tag ce cheb plig, txhawb plig, ces khis tes - koj muab xov paj rau cov kev txwj lau neeg, lo sis cov tuaj koom ntawv nrog koj khis tes xwb. 

Cov lus khis tes:

=> Au!!! hnub no lo nrhiav tau niam qhuav txiv qhuav, niam khoob txiv hmoov lawm mas khi lo nrog kwv khi lo nrog tij, khis nrog viv khi lo nrog nruas, kom noj mov txab nqaij hua dej txab cev ... txhuav tshiam niam tshiam txiv lawm aud ...! (Tab sis tu txiv tsev "txiv qhuav" lo yog tu txiv plig yuav tau muab ib txoj xov paj kom ntev, thaum khis tes ntawv muab ib tog khis tu me nyuam ces muab ib tog coj mus khis rau tus muab coj lo hu plig nrog ntawv ua kes, thaum tiav tag lawm ces mam mam txiav).

Qhia Kom Paub:

- Kev ua neeb ua yaig lo yog hu plig tom qab ntawv yog tu me nyuam tseem mes ces thaum hu plig khis tes tag li no lawm yog hos yuav ua neeb ua yaig, ho yuav hu nws plig no lo yog zoo thsja ces yeej yuav tau npaj es tuaj hu tom niam qhuav txiv qhuav tsev lawm xwb, yog tu me nyuam twb hos loj tuaj lawm thiab lub sij hawm twb dhau mu lawm ntev lawm no ces ua qhov twg lo tau lawm (Tab sis yog nyob ntuj deb kev ncua ntev ces cia li hu tom niam txiv yug tsev xwb lo yeej tau ib yam, qhov no tsis txhaum). 

- Yog luag tuaj thov yus ua niam qhuav txiv qhuav ces hu plig khis tes tag li ntawv yu lub yeej koob yeej huam pov luag tu me nyuam kom loj hlob tuaj xwb ces tiav li ntawv lawm. tab sis yog yu mu thov luag ua niam qhuav txiv qhuav lub luag tiag tiag mas lwm hnub tus me nyuam loj tuaj (2-3 xyoo) tom qab yog tsis muaj mob muaj nkeeg es yeej hlob yawm vos lawm ces yu yuav tau npaj 1 plua mov ua luag tsaug ( npaj 1 tug npuas coj mu tuas noj ua tsaug xwb).

- Yog luag hos tuaj ua yu tsaug lo saum rooj mov ces cia li hai rau laug tia "Zoo siab ntau wb tu me nyuam loj hlob lawm" muaj qav muaj num yeej meem txib yeej meem hus tshuav wb ua niam ua txiv nyob nov pov hwm nws es neb xav txib xav hu lo neb coj mus, Yog luag muaj nyiaj luag yuav muab me ntsis nyiaj ua yus tsaug (Noj rooj mov tag ces tiav li ntawv lawm) ntawm qhov rov tuaj ua tsaug nos yog luag ua neej txom nyem thiab yog nyob ntuj deb kev ncua ntev, lo yog tsis nco qab lawm ces luag yeej tsis tuaj ua niam qhuav txiv qhuav tsaug li lawm (Lo yeej tsis ua ca).

1.8 Hu Plig Khis Tes Nrog Pob Zeb thiab Ntoos Loj

Tseem yuav kho ..!!

 1.9 Hu Plig Qab Cub

Tseem yuav kho ..!!

1.10 Hu Plig Tuam Choj (Tuam choj rau me nyuam)

Tseem yuav kho ..!!