HU NEEB THIAB TIAM NEEB

I. Neeb 

Neeb yog ab tsis? Peb hmoob ntseeg li ca? 

      Neeb yog ib txoj kev ntseeg ua hmoob txwj hmoob lau ib txwm ntseeg lo lawm ntev, peb ua raws li thaum ub siv yis thiab poj yawm txwv koob ib txwm ua los xwb, tej laus piav tias thaum ntuj tsim teb raug ntawv tsim tau yawm saub thaib yawm ntxwg, yawm ntxwg nyoog phej lo ua mob ua ntsaj rau noob neej ntiaj teb, ces thiaj tshwm sim siv yis lo kho neeg ntiaj teb, Siv yis yog tus xub tshwm sim ua lo kho mob rau peb hmoob ntawm sab ntsuj pig, nrog rau kev cais dab qhua thiab tiv thaiv dab noj nyoog hau txias. Muaj ntau zaj dab neeg tau tham txog siv yis ntxooj neeb tseeb kho rau sab ntsuj plig, thiab tau nrog dab noj nyoog haus txias sib ntau sib tua ua ntej thaum siv yis tseem lo nyob hauv ntiaj teb no es tsi tau mu pem ntuj.

      Thaum siv yis rov mu pem ntuj, siv yis mus txog pem rooj ntug, siv yis muab siv yis cov paj ntshiab  paj hmoo nrog rau nws cov cwj neeb, cwj yaig ws rov los rau hauv ntiaj teb, siv yis thiaj tau hais ib lo lus tseg cia rau noob neej tias "Yog leej twg txoj hmoo txog, leej twg khaws tau noj, leej twg mam li ncoj, leej twg mam li sawv lo coj, leej twg txoj hmoo zoo, leej twg khaws tau yoog, leej twg mam li tshee, leej twg mam li sawv lo ua neeb ua yaig". Thaum siv yis nyob siv yis kho tu ciaj lo kho nquag, kho tu tuag lo kho sawv, tab sis siv yis mu lawm kom neeg ntiaj teb khaws tau lo coj ce kom kho tu ciaj lawm xwb txhob kho tu tuag lawm, ce tom qab no noob neej sawv ua neeb lo thiaj lo kho tsis tau tu tuag lawm thiaj kho cov ciaj ua muaj mob muaj nkeeg lawm xwb.

1.1 Hu Neeb (Thov Txiv Neeb) 

Hu Neeb (Yog hais nws ua ntej lawm) npaj xov txheej and 3 tswm xyab....mus txog ces koj muab cov xyab coj mus txho rau pem thaj lo yog coj mu tso rau pem thaj ces koj mam li los pe. Qhov pe ces tsi hais ab tsi....cia li pe ib pe tu txiv neeb hais tias "thov koj..." no xwb. ces pe tus saib neeb ib pe thiab, koj pe tag, ces koj coj lub rooj neeb thiab cov twj los npaj ua ntej.

Hu Neeb (Yog tsi tau hais duas....koj tseem yuav mus thov xwb) npaj xov txheej thiab 3 tswm xyab ...mus txog ces....yuav tsum piav seb koj tsawv tau nws...los yog koj xav kom nws ua xwb.....piav tej no tag, koj mam thov....

  => Cov lus koj thov hais tias “ Aub,  kuv me nyuam tsis zoo siab, kuv yuav xav tuaj khom vam koj mus pab kuv ua ib thaj neeb saib me nyuam (kho leej twg los koj teev kiag npe kom meej rau ntawm no).  Kuv paub tias koj muaj hauj lwm hauv vaj hauv tsev laud, tiam sis yuav thov koj ua tiag mus pab.”

Thaum thov tas li no lawm, koj tos saib tus txiv neeb yuav teb li cas?  Thaum ntawd, txawm tias khoom thiab tsis khoom los tu txiv neeb yeej yuav teb rau koj.  Yog teb tias khoom tuaj pab koj, no ces koj rov qab thov ib zaug ntxiv hais ib yam li saum no xaus nkaus ces koj sawv mus pe 2 pes hais li nram no:

        - “Neeb niam neeb txiv, qhua nom qhua tswv, thov ua tiag mus pab. 

        -   Txawm tias laj tes khiav los neeb niam neeb txiv, qhua nom qhua tswv ua tiag pab.”                                

Pe li saum no xaus nkaus, koj mus hlawv 3 tswm xyab rau saum lub thaj neeb tas, ces koj mam sau tej twj ua neeb thiab coj tus txiv neeb mus ua neeb.

Yog kam tab sis tsis tau ua sais no ce koj mam teem caij ... yog txog caij lawm ces koj mam rov mus nqas twj neeb thiab thaj neeb ua raw lis nqes thawj sauv.

1.1.1 Kev Pes Txiv Neeb Thaum Pib Ua Neeb Thiab Nqis Neeb

     A. Ua ntej tus txiv neeb pib ua neeb...koj yuav tsum pe 2 pes:

                 -  Pe ib koj hais tias "khwv koj os txiv neeb.."

              - Pe ob koj yuav tsum hais tias "khwv neeb niag neeb txi, qhua txwj qhua laus, qhua nom qhua tswv sawv daws.."

          B. Thaum tus txiv neeb nqis neeb lo lawm koj pe 2 pes:

                - Pe thawj pes, hais tias "txog koj siav nawb txiv neeb...."

            - Pe tom qab, hais tia "txog neeb niag neeb txi, qhua txwj qhua laus, qhua nom qhua tswv sawv daws ........siav..."

1.1.2 Npaj Ua Ntej Tiam Neeb

Thaum ua neeb tas ua ntej yuav tiam tus txiv neeb ntawm lub rooj mov, koj muab ib lub phaj nrog ib rab diav thiab ib lub hnab ntawv rau me ntsis nyiaj teeb neeb rau hauv, caw tus txiv neeb thiab tus saib neeb mus zaum rau sab ped.

1.2 Tiam Neeb 

1.2.1 Tiam Tu Txiv Neeb

Nco ntsoov tias tiam neeb, tiam tshoob, tiam thawj lwm tub ntcig  thiab tiam lwm yam los 2-3 lus ua ntej yeej txawv:

- Koj muab lub hnab ntawv (Nyiaj teeb neeb) thiab lub phaj nrog rab diav cev rau tu txiv neeb Ces Koj hais tias:

=> "Ua koj tsaug nawb (hai txiv neeb npe)...muab koj lawv nce toj nqig taus...tuaj ua neeb kho (saib.../ kab plig../ faib thiab...etc...seb yog ua neeb ab tsi) tus me nyuam (seb yog ua neeb kho leej twg ce hai nw lub npe), kab yeeb-phaj ntxuag los tsi muaj rau koj khaws li.... muab lub rooj qhuav lwv koj xwb es ..ua koj tsaug..."...tag no ce pe ib pes.

- Pe ib pes tag ce hia li hauv qab no:

=> "Ua qhua num qhua tswv, qhua txwj qhua laus, yim phiaj neeb niag, 9 phiaj neeb txi sawv daws tsaug..." tag no ces pe thiab.

1.2.2 Tiam Tu Saib Neeb Thiab Lwm Tus

      - Muab ib lub phaj nrog ib rab diav thiab me ntsis nyiaj (Tsis muaj los tsi ua ca) cev rau tus tuaj saib neeb, Cov lus hais tias 

     => "Ua koj tsaug nawb (hai tu saib neeb npe)...muab koj lawv nce toj nqig taus...tuaj saib neeb.. kab yeeb-phaj ntxuag los tsi muaj rau koj khaws li.... muab lub rooj qhuav lwv koj xwb es.. ua koj tsaug..."...tag no ce pe ib pes.

     - Ce pe ib tsoom kwv tij phooj ywg ua tuaj pab ua num sawv daw..hais tias:

     =>  "Ua cov kwv cov tij uas tuaj pab ua hauj lwm sawv daws tsaug...kab yeeb tus ntxuag los tsi muaj nej khaws... muab lub rooj qhuav lwv nej xwb es.. ua nej tsaug..."...tag no ce pe ib pes.

      - Yog tias ua neeb hu plig khi tes ces yuav tsum pe thov sawv daws pab khi ib txoj hluas pov thiab tag li no ces noj mov lawm xwb.

                                      Kev Hu Neeb Tiam Neeb Tag Li no

       Muaj ntau leej hais cov lus sib txawv, vim lub laj lim tswv yim sib txawv tus txawj hais luag yuav hai ntau dua nov - hai zoo dua nov, tab sis yog koj nyiam yooj yim lo ua yooj+ yim li no xwb tau lawm.

Qhia Kom Paub; Yawg Vam Lauj nyob Meka thiab Yawg Vam Sawm nyob Australia piav tia:

   - Neeb yaig ntawm lwm tsob hmoob mas yog neeb los thawj (muaj mob muaj nkeeg) ntoj neeb saib yaig lo hai tia yuav ua neeb ces mam hu txiv neeb tuaj rub ua neeb, yog tshee thiab sawv ua neeb tsheej lawm ces mam tsas thaj neeb.

   - Neeb yaig ntawm tsob hmoob vaj ntxhoo  (Noob Kooj Neeb) no mas feem ntau yog kawm lo ua ntau xwb, cov neeb lo thawj muaj tsawg. Vim li cas? Tej lau tham tseg tia thaum ub peb tsev hmoob vaj nos muaj ib tug yawg ua neeb leej heev thiab yav thaum ub siv neeb yaig ua kev kho mob kho nkeeg ntau xwb, Ce neeg zej zog hus tu yawg mu ua neeb heev heev, mus ib lub zos ces hla mu rau ib lub zos tsis tshua muaj sij hawm lo nyob ua noj ua haus, vim tia tag thaj no lo luag tuaj hu mu ua thaj tshiab, ces cov tub kis txom nyem dhau lawm, thaum tu yawg no tag sim neej ces cov kwv tij thiaj hu txiv neeb tuaj ua ib thaj neeb muab cov dab neeb ntawm tu yawg no coj mu ntsia cia lawm (Kom txhob lo thawj rau cov xeeb leej xeeb ntxwv tom qab lawm) ces thiaj tsis tshua muaj neeg sawv neeb. Qhov muaj tej tug sawv ua neeb ntawv tej zaum yog lo ntawm nws caj ces neej tsa lo xwb. Cov neeb lau li Yawg Vam Lauj, Yawg Vam Sawm ... thiab muaj coob leej ntau tus ntawm peb tsev hmoob vaj ntxoo (Noob Kooj Neeb) no ua neeb yeej yog kawm lo ua txhawm rau kom ua tau dab qhuas xwb, tsis yog neeb lo thawj.

   - Kev kawm ua neeb no tej laus thaum ub tsua kawm ua neeb txwv zeej (Ntoos thiv hauv liab thiab thiv hauv dub xwb) ib txwm tsis kawm neeb saub, neeb poj qhes.

   - Kev ua neeb tsua ua raws lub hws thiab cov txheej txheem es tsua yog muaj tus leej cuam tshees ces ua raws kev neeb kev yaig xwb, thaum ua tag ces tsua khov kuam raws lub caij raws cov yus npav tseg, vim thaum yu khov kuam yu twb txheev tia yog tim tus twg, tim qhov twg, thaum khov kuam tag saib raws kev khov kuam seb lub siab xav tau tia kom caiv li cas, tsam yog vim ab tsis ces tsua teem raws kev neeb kev yaig npav lub sij hawm rau raws li tu mob yu mu ua saib ntawv xwb, yog haum lawm ces mam mu ua khos xwb, yog tsis haum ces cia li xwb. Kev tham li lwm tus txiv neeb tham tias ua neeb mas nim mu pom li ub li no, nim tau nrog tus tuag lawm tham li ub li no, nim tau pom dab li ub li no tej no mas yawg lawv kuj tsis paub vim neeb txwv zeej tiag tiag ua tsis pom li lawv ib cos txiv neeb tham ntawv. Yog tu txiv neeb twg ua neeb tag phej tham tsis tshua raws kev neeb kev yaig phej ua saub phej hai tia nim pom ub pom no, tau ntsib tu ub tu no, yog yus tsi paub es hu tau lawm lo tsis ua ca, yog paub ces txhob hu nws tuaj ua neeb xwb. Vim kev neeb kev yaig tiag tsis muaj li tsis pom li ntawv, tsua ua raws lub hws lub chuas ntawm kev neeb kev yaig, ces muab teem raws kev khov kuam ntau kuam thiab teem raws li qhov mob yus pom yus paub ntawv xwb.