KAB TSHOOB KEV KOS

Vim li ca thiaj hai tia "Kab Tshoob Kev Kos"?, Tshoob Kos?

Tseem yuav kho qhov no

I. Kev Npaj Mu Yuav Nyab

    Kev mu yuav ib tug nyab txheej thaum ub yuav tau npaj li no:

     - Npaj ib txog siv ceeb, muab nyiaj khi rau ntawm txoj siv ceeb ua peb lub pob (Khi ib lub khi rau nrub nrab, khi ob lub rau ob tog)

     - Ntawm 3 lub pob ntawv mas, ob lub nyob rau ob tog ntawv, ib lub yog qe qhwv rau niam, ib lub yog qe qhwv rau txiv. Hos lub nyob rau hauv nrub nrab no mas yog ntau txhuv tsi pom qab faib hno, txoj siv ceeb yog coj lub xo rau niam txiv.

     - Cov nyiaj khi rau hauv mas ywj rau ntawm thaj tsam ntawv, yog tias yus tsis paub lawv thaj tsam los yog lawv lub zos tus kaj no ces yus ua raw yus lub zos lo yeej tau, txog thaum mus hais tshoob mam ntxiv rau los tau.

     -  Npaj in tug laus qaib (qua qaws) cai tau lwm tub nyab

    - Nrhiav 2 tus nrog tus tub mus coj nyab, thaum coj tau nyab lawm ob tus ntawv yuav mus fis xov (Hos yog tub yeej coj tub los lawm ce cia li thov ob tug mus fis xov, ce npaj li hai lo saum toj no xwb).

II. Kev Fis Xov

     Kev fis xov mas yauv tau npaj cawv, qees pab hmoob mas siv luam yeeb xwb tau lawm (Tsi siv cawv), Npaj liv hauv qab no:

2.1 Kev fis xov siv luam yeeb.

    -  Yog yus paub lawv pab hmoob no tus coj lawm ces cai li mus rau tom tus coj tsev, yus mus hais tus coj tuaj rau tom niam txiv tus ntxhais ua yus yuav ntawv tsev mam tuaj tham kev fis xov, vim thaum ub cov lau phem phem, niam txiv phej ntau ntau cov tuaj fis xov, thiaj yuav tau mus hais lawv tus coj tuaj pab cheem ua ntej thiaj tsis mag qws. 

- Los rau niam no cov niam txiv tsis ntau lawm, peb mus rau niam txiv tsev mus txog peb pes niam txiv , pes dab laug, niam dab laug mus rau niam lau niam hluas tas, mam los tsab luam yeeb rau txiv mam los nug txiv seb txiv kom mus hu tus coj twg mam mus hus tu coj tuaj, ces 2 tug fis xov mam mu hu tu coj tuaj (yog txiv hais tia cai li tham no xwb lo cia li tham xwb lo tau):

A. Thaum mus txog tus coj tshoob koj yuav tau tsab luam yeeb rau tus coj tshoob, Yog cov luam yeeb yeej qhwv tau lawm no ces cev ob tus rau tus coj tshoob , hos yog cov luam yeeb txhoov tsuab ob txaum rau hais tias:

=> "Ob kab no rau txiv , ob kab no rau niam, ob kab no rau niam hlob txiv hlob, ob kab no rau niam ntxawm txiv ntxawm, ob kab no rau nus tij nus kwv , ob kab no rau muam phauj yawg laus , ob kab no rau dab laug niam dab laug, ob kab no rau poj koob yawm koob ,ob kab no rau niam txiv tus coj tshoob tsaws kos" (Yog hauv tsev hauv muaj neeg  tsawg leej ces koj nqa luam yeeb mus cev rau lawv hais tias kab yeeb os no xwb yog yuav los muab rau, ho tus tsis txais los kav liam).

Ces koj mam los tham li no:

=>  "Lus sam tham li no rau koj tus coj tshoob tsaws ko hauv nej tsev hmoob no nyob li zaum no wb tuaj no yog peb tus tub hu ua …….Niam txiv yog ………… nyob rau lub zos …… tau tuaj coj nej tus ntxhais hu ua …. Yog niam txiv hu ua ……. Tus ntxhais mus ua poj ua sev lawm. Wb yuav tuaj vam koj mus rau tom niam txiv tsev, pab mus nrog laj niam laj txiv nawb", Ces sawv tuaj sab nrav pes 2 pes.

B.  Thaum tuaj txog tom niam txiv tsev yus ob tug fis xov kom niam txiv qhib qhov rooj tag, ces yus mus nram qov rooj tag mus. Thaum mus txog hauv tsev yus ob tug fis xov yuav tau pes. 

=> Pes niam =  Niam os hnub no peb tus tub …… tau tuaj coj niam tus ntxhais …….. coj mus ua poj ua sev lawm thov niam zam lub txim pub nawb los yog niam txhob nrhiav lawm mog, Pe 2 pes. 

=> Pe txiv, pog yawg , nus tij ,nus kwv hauv tsev, niam laus niam hluas hauv tsev, niam hlob txiv hlob, niam ntxawm txiv ntxawm, pog koob yawm koob, tus coj tshoob tsaws kos. Pe ib leeg 2 pes.

Qhia kom paub:

      Yog tu coj nyob deb es leej txiv cai li lees xwb, thaum pes tag ces lo tsab yeeb tag nug ces txiv yeej hai kom txhob mu hus lawm, ce cia li tsab yeeb lawm xwb, hos yog hos hu tau tu coj tuja los zoo. 

     Thaum pe tas li no ce koj lo tsab luam yeeb,  kev tsab luam yeeb muaj 2 lwm tsab xws li:

Lwm 1. 

       Tsab kom txhua txhua tus neeg tsis hais cov sab nrauv tuaj nyob hauv tsev hauv. Pib ntawm tus coj tshoob mus rau niam thiab txiv dhau ntawv tov tsab rau tus twg ua ntej los yeej tau. Kev tsab mas muab ob tus luam yeeb thau tawm ib ya yus tuav lub hnab (lub xoos) luam yeeb cev rau lawv hais tias kab yeeb seb. Yog tus twg kab ces lawv rho lawm hos tus tsis kab ces lawv hais tias "zoo siab lawm kab tsis tau tsis kab" thaum koj tsab li no kom thoob plaws cov neeg tuaj nyob hauv tsev hauv.

Lwm 2.     

        Koj rov los tsab rau tus coj tshoob xws li: Thau 2 tus luam yeeb cev rau tus cov tshoob hais tias 

- Ob kab yog niam txiv hauv tsev no tus coj tshoob tsaws ko, 

- Ob kab no rau niam, 

- Ob kab rau txiv , 

- O kab no rau niam hlob txiv hlob, 

- Ob kab no rau niam ntxawm txiv ntxawm, 

- Ob kab nrau muam phauj yawg lau, 

- Ob kab no rau dab laug niam dab laug, 

- Ob kab no rau nus tij nyab nus tij , 

- Ob kab no rau nyab nus kwv nyab nus kwv, 

- Ob kab no rau niam tais lau niam tais hlua. 

- Ob kab no rau poj koob yawm koob, 

- Ob kab no rau niam txiv hauv tsev no ncej dab ncej quas. 

(Cov no mas tsab rau lawv txhua txhua tus tab sis tsab raum ntawm tus coj tshoob tib tug xwb tsuas feeb kom txhua rau lawv).

Thaum tsab luam yeeb tas li no koj mam los tham rau tus coj tshoob tias: 

=> "Lus sam tham li no rau koj tus coj tshoob tsaw ko nyob li lub hnub tsis zoo twb lub hli, lo lust sis zoo hais twb niam twb txiv lau . ntawm wb tsis pom qab vam khom leej twg wb thiaj vam khom koj tus coj tshoob tsaw ko tuaj nrog wb pab laj niam laj txiv,  nyob li peb tsev xeem vaj tus tub hu ….. niam txiv hu ….. nyob rau lub zos … tau nyiam tsum ntshaw raug nej txooj xeem hmoob …. Niam txiv……. tus ntxhais hu ua …….. coj mus ua poj ua sev, nyob muaj chaw lawm kom niam txiv txhob nrhiav no nawb, (koj hais tas li no lawv yuav muaj lus tham tuaj rau yus ces yus mam daws xwb yog lawv tsis muaj lawm no ces koj muab txoj siv ceeb cev rau tu coj).

Thaum muab txoj siv ceeb rau tus coj tshoob mas yuav tau feeb kom meej xws li no: 

=>"Hais rau niam rau txiv tus coj tshoob nyob li ob lub pob nyob rau ob tog nov ces yog ib lub me qe rau niam, ib lub me qe rau txiv, lub nrub nrab no yog ntau txhuv tsis pom qab faib hno, txoj siv ceeb yog coj lub me xov rau niam rau txiv kom niam txiv txhob nrhiav niam txiv tus ntxhais, peb coj mus nyob muaj chaw lawm. 

Tas no koj muab ib qho nyiaj rau tus coj tshoob ces koj hais li no:

=> "Qhov me no muab ib nyuag pas dej rau koj tus coj  tshoob hau".

     Tom qab niam txiv txais lub xo lawm mam los noog seb niam txiv lawv hos yuav noj tshoob rau hnub twg; niam txiv tsev hmoob ntawv yog Npua dab lo yog Qaib dab thiab mam los noog seb lawv yuav noj li cas rau li cas yus tog nraug vauv thiaj paub npaj (Txau sau ntawv lo muab ntawv lo sau tseg).

2.2 Kev fis xov siv dej cawv nrog luam yeem

         - Thaum mus txog hauv niam txiv tsev pe niam txiv tas ces tsab luam yeeb rau niam txiv tag; mam thov niam txiv lub me rooj coj lo teeb ntawm plawv tag, rub niam txiv zaum sab pev, koj teev cawv rau coj niam txiv haus cawv ib zeeg cawv tas mam rov teev dua ces koj coj niam txiv cub cawv ib lwm, koj mam tham lus li no: 

=> Lus sam tham li no rau neb ua niam ua txiv nyob li peb tsev xeem vaj tus tub hu ua………. niam txiv hu……. Nyob rau lub zos……. Tau nyiam tsum ntsaw raug neb ua niam ua txiv tus ntxhais hu ……. Wb tuaj no wb tuaj rau lub me xov rau niam rau txiv. wb xav noog neb ua niam ua txiv nyob rau hauv nej tsev hmoob no neb ho nyiam tus coj tshoob tsaws ko twg tuaj nrog neb txais lub xo no lo neb hos qhia rau wb, wb mam mus raw tuaj nrog neb txais lub xo. (thaum no niam txiv qia yus mam mus).

Thaum mus txog tom tus coj tshoob tsev mus tsab luam yeeb rau tus coj tshoob tas koj mam tham lus li saum nqe ib pug sauv thiab xwb.

Thaum rov los txog tom niam txiv tsev ces rub tus coj tshoob thiab txiv nrog rau cov lau ua tuaj hauv zaum sab pev. Tab si yog luag cov paub tab ces luag yuav tsi zaum, luag cia cov coj tshoob zaum xwb, qhov no yus yog tus mus yus tsua rub ua yus ntsej yus muag xwb. Thaum zaum txhij lawm koj los mus tsab luam yeeb ob lwm li saum nqe ib sauv thiab xwb ces thaum tsab tag koj mam los teev cawv coj lawv haus cawv ib zeeg tag mam teev dua coj lawv cub cawv mam tham lus li tham sauv thiab xwb.

2.3 Lwm Qaib

      Lwm qaib thiab fis xov mas, yog npaj mam mu yuav nyab ces fis xov ua ntej tu tub coj tu nyab lo txog mam lwm qaib. tab sis yog tu tub yuav lo ua ntej lawm ces lwm qaib ua ntej mam npaj neeg mu fi xov (Ob qhov no nyob ntawm lub sij hawm xwb, qhov twg ua ntej lo tau).

     Lwm qaib yog ib txoj kev ntseeg ua peb hmoob laus yeej coj lo lawm ntev, thaum yuav nyab lo txog yuav tau muab ib tug lau qaib coj lo lwm (Lwm qaib) tag mam pub nkag mu hauv tsev, tu lwm sawv ntawm ntuag qhov rooj sab hauv-sab nrauv lo tau, nkawm tub nyab tshiab sawv sab qhov rooj sab nrauv (tsi tau pub nkag sab hauv).

Qhia Kom Paub:

- Txoj keeb kwm thaum ub tej laus “Lwm Qaib” thaum coj nyab los txog tsev yog thaum ub tej laus lawv tsis pom zoo tus tub thiab tus ntxhais sib yuav thaum lawv paub tia tus tub coj tus ntxhais lawm ces tog niam txiv ntawm tu ntxhais lawv foom thiab cem phem phem rau tus ntxhais thiab tus tub.

- Tej laus hais tia ib reg nplej muaj peb lub npluag, ua ib tug hlua nkauj hlua nraug nyob yeej yuav muaj peb tug hluas. Tej thaum tus tub tsi muaj los tus ntxhais muaj, tej thaum tus ntxhais tsis muaj los tu tub muaj, kev ib tug mus ua neej lawm tsos ib tug tseg luag yuav mob mob saib luag yuav foom thiab cem hais li cas los muaj es tej laus thiaj lwm qaib rau nkawm tub nyab tshiab, Lwm qaib yog muab tus qaib los cheb tej lus phem pov tseg kom txhob raug rau tus tub thiab tu nyab nkawd xwb.

- Cov lus cem lus foom no hmoob lau hu tia yog "Ncauj nplaig qhauv lig"

- Yog niam txiv ob tog yeej pom zoo nkawv sib yuav, nkawm tub nyab tshiab nkawv yeej sib tham ncaj ncees thiab ob leeg txau siab tsis muaj ib tug yuam ib tug (nyob ua kes) es tsis muaj lwm tus sab nrauv li (tu tub tsi muaj lwm tu hlua nkauj, Tu ntxhai tsi muaj lwm tu hlua nraug li) ces tsi tas lwm qaib lo yeej tau, Vim tsis muaj lus foom lus cem thiab tej laus twb tsos cais lawm, nyias twb xaiv yuav tus nyias nyiam lawm xwb ces tsis muaj teeb meem, tsis lwm qaib lo tsis ua ca.

- Thaum ib tug tub yuav tau ib tug nyab lo tej tub hlua thaum ub nyiam hai tia "Txob plaub txob ntug lo lawm es thov nej pab" qhov no peb txheej tshiab no yuav tau pauv vim kev sib yuav sib qaws ua neej no tsis yog plaub ntug, yuav tau hais yooj yim tia "Coj nyab lo lawm es sawv lo lwm qaib" lo yog hai tia "Coj tau nyab lo lawm es thov pab ntas" no xwb.

# Npaj lwm qaib:

- Yog muaj qaib yuav tsum npaj ib tug laus qaib qua qaws (yog tsis muaj ces tsuav yog qaib xwb lo yeej tau)

- Yog npaj tsis tau qaib muab ib tug tws taws coj lo lwm lo yeej tau

- Yog tsis muaj qaib thiab tsi muaj tws taws siv tus khaub rhuab cheb tsev lo lwm lo yeej tau.

 #  Lwm qaib muaj 2 nqes:

     1. Lwm cheb - Nplawm (Nplawm hauv yu xub ntiag tawm sab nrauv):

    => Tawm sis os .. Kuv nplawm no kuv tsis nplawm tub thiab nyab nkawv ntsuj duab ntsuj hlau, tsi nplawm plig tub plig kis, kuv nplawm no kuv tsuas nplawm li (seb tus nyab ntawv yog xeem hmoob ab tsi ces nplawm xeem hmoob ntawv cov sub tawg sub ntsa), niam txiv tom ub sub tawg sub ntsa, ncauj nplaig qhauv lig, lwm vij sub dub swv sub doog, lwm nra zeb nra hlau, lwm yaj ncauj xaiv yeeb ncauj lus, Lwm vij nruab kab swv nruab kes, lwm tu vij poj lus nkhib-yawm lus nkhaus, poj lus nra zeb-yawm lus nra hlaus, poj lu tuag - yeeb lus dim ...  tsis pub aiv tub thiab nyab nkawv ntag auv, niam nkauj qaib ntxuaj li thawv mas kom poob li thawv, txiv nraug qaib ntxuaj li phos kom poob li hlos nawb.

     2. Lwm txhawb (Lwm sab nrauv lo rau hauv xub ntiag):

   => Tawm siv os.. Kuv lwm no kuv lwm tus tub lo tuav tu nyab tes, tu nyab lo tuav tu tub npab, lwm txhawb ntawv txij lwm txhawb nkawm, qauws lo ua txij ua nkawm lawm, yuav nyob ciaj hmoob poj ciaj hmoob yawm, lo tus tub kom puv vaj, lo tu ntxhai kom puv tsev, lo tu tub kom txawj lo tu ntxhais kom ntse, lo mas coj plig nyiaj plig txiaj, plig tub plig kis, plig qoob plig loos, plig tsiaj txuv lo tsev aws  ....Txawj hai li ca ces hai ntxiv xwb cov ntsiab lug tas li no lawm (Tas no ces kom tub nyab nkag mus tsev)

Kev pes:

Thaum nkag txog hauv tsev, tu tub yuav tau pes niam pes txiv (Pe tig mus pem hauv plag tas nrho txawm lawv yuav zaum rau qhov twg los xij peem):

 - Pes txiv 2 pes (Cov lus hais: Txiv os hnub no yuav tau poj tau sev lawm yuav vam txiv nrog nta nawb)

 - Pes niam 2 pes (Kev hai lus ce hai ib yam xwb)

 - Pes cov kwv tij tuaj hauv tsev (1 leeg 2 pes yog lawv tuaj) 

 - Pes cov ncej dab ncej qhua (Cov lus hais: Ncej dab ncej qhua, tuam txhiaj meej lwm txhiaj meem od, yuav poj yuav sev lo lawm nrog pov hwm pov yawm nawb)

III. Hu Plig Tub Nyab

Mus saib tom "KEV HU PLIG" 1.3 Hu Plig Tub Nyab Tshiab

Qhia kom Paub: 

Thaum khi tes tas no sawv daws noj mov; tom qab noj mov tag yog yuav mus ua tshoob ces peb yuav tau hau cawv tshoob, yog tsis tau mu ua tshoob ces tsis tau hauv cawv tshoob los tau (Yog hos cawv kiag tso cia es lwm hnub hu tuaj noj mov npaj mu lawm xwb lo yeej tau ib yam).

# Cov txheej txheem cawv tshoob kos (yog hau kiag txua rooj plig):

Kev hau cawv tshoob ko no peb hau ua nkawm (khub), teev ob lub khob cawv yog teev ib lub khob xwb mas peb yuav tsum hau ob zeeg ua ib tus cawv. 

 1. Cawv txum pib tuav rooj. ( tus no yog peb muaj khob txhua no mas peb ce ib leeg ib khob cawv txawb ntawm sawv daws xub ntiag hos yog tsis muaj khob txhua no ce peb hau ib tus cawv txum pib tuaj mus)

2.     Cawv tshais

3.     Cawv thov dag zog. 

Thaum txog tus cawv no mas ob tus tom hauv pau rooj chiv cawv ntawv tshaj rau cov niam txiv kwv tij neej tsa thiab ob tus tom ntsi rooj tias: 

=> wb yuav chiv tus cawv thov dag zog tuaj mus rau tom neb,tab si wb tsua yog tshaj ua ntej tuaj xwb tseem yuav muaj lus tham tom qab lawv tham lus tiav wb mam tsa tuaj nawb. 

Thaum no ob tus sawv cev hauv tsev neeg zaum sab nrav teev cawv rau ob tus niam txiv , ob tus mej koob thiab tub phij laj, niam tais ntsuab ib leeg ob khob tsaw rau lawv. coj lawv kab cawv ib lwm mam teev dua, coj lawv cub. yog lawv tsis kam kab no ces kom lawv cub, mam los tham lus li no: 

=> lus sam tham li no rau neb ob tus niam txiv, ob tus mej koob ,tub phij laj, niam tais ntsuab, nyob li hnub no tub …… nws yuav tau poj tau sev yuav mus ua tshoob ua ko yuav vam khom neb ob tus niam txiv, neb ob tus mej koob ,tub phij laj niam tais ntsuab lub plu txiaj plu ntsig mus ntaiv hnub ntaiv hlig, mus laj niam laj txiv kom peb tau tub tau nyab, nyob li peb txawj ua neej ces saum rooj muaj zoo tus ntxuag rau nej khaws, muaj zoo pib cawv rau nej tsaw peb mam lo thov nej ib lo lau tab si npaum li peb muab neej saub kev pluag lo lwv saum rooj, Tsis muaj zoo tus ntxuag rau nej khaw tsis muaj zoo pib deg pib cawv rau nej tsaw lo thov nej ua lub siab ntuj ntev nrog peb mus laj niam laj txiv kom peb tau tshoob tau ko; nej tus txiaj ntsig peb yuav ua tus ri tus txiaj ntsa peb yuav ua tus nqa nawb. 

Thaum koj hais tas li no yog sab nram cov hluas sawv nrav muaj cov paub tab no ces cia lawv mam hais lawv mam pe yog tsis muaj cov paub tab no ce koj ob tug ntawv sawv lo tuaj sab nrav hais coj lawv pe. Pib ntawm ob tus niam txiv mus kom txog niam tais ntsuab. kev hais yeej hais li sauv xwb thaum koj hais tas ce pe ob pe. Thaum pe tas mam hau tus cawv tuaj mus.

4.     Cawv laij nyuj. Thaum txog tus cawv no ob tus mej koob yuav coj tu tub thiab tub phij laj los pe.

5.     Cawv piam sam. Thaum txog tus cawv piam sam no niam txiv tus coj tshoob yuav los muab lus tshoob lus ko tham thiab tej nyiaj rau ob tus mej koob.

6.     Cawv sawv kev

7.     Cawv cheem kwv tij neej tsa sawv daws (Nyob vaj nyob tsev tos tub tos nyab rov qab los)

 # Npws poj npws yawm ua ntej mu ua tshoob

IV. Npaj Su Mu Ua Tshoob Thiab Noj Su Tom Kev.

Tseem yuav khos

V. Cov Txheej Lu Tham Tshoob thiab Cov Txheej Cawv

Tseem yuav khos

VI. Cov Txheej Cawv Ua Ntej Sawv Kev Rov Los thiab Noj Su Tom Kev

 

Tseem yuav khos

VII. Cov Txheej Cawv Tiam Mej Koob (Xau Tshoob)

Tseem yuav khos

# Npws poj npws yawm thaum ua tshoob tiav rov lo txog tsev

VIII. Niam Tai Yawm Txiv Hu Mu Tua Npau Noj (Tos me nyuam mu hu plig khis tes)

Tseem yuav khos

IX. Vauv Tos Niam Tai Yawm  Txiv Tuaj Tis Npe Laus 

Tseem yuav khos