KEV KHO TXWV ZEEJ

I. Kho Txwv Zeej

Kev kho txwv zeej yog kho tej niam - tej txiv, tej pog - tej yawg, poj koob - yawg koob tej quas tsev los yog qua ntxas. Kev kho txwv zeej muaj 4 yam sib txawv:

1.1. Kho thaum peb tag kis

      Kev kho txwv zeej thaum tseem tshiab+ thaum puv 3 tag kis muaj ntau xeem hmoob yeej khos lo lawm, thiab peb tsev hmoob vaj no lo yeej kho lo lawm, kev khos thaum peb tag kis no cias li kom tus muam phauj (lo yog tu txiv dab laug) mu hais ib los lus tia “koj txhob ceeb txhob ntshai, koj tub koj kis yuav tuaj kho koj vaj koj tsev kom zoo rau koj, yuav siv sij hawm li 3-4 hnub mam tiav es kom ua siab ntev, kom txhob fam rau saum tub saum kiv txhob fam rau saum muam phauj txiv dab laug” no xwb. Thaum khos tiav lawm ces cias li hais ib lo lus rau tias kho tiav lawm ces hlawv xyab ntawv rau xwb yog npaj tau xyab ntawv, yog hos npaj tsis tau xyab ntawv lo tsis ua lis ca.

1.2. Kho kom zoo (Vim ploj thiab tiaj tag lawm)

      Kev mus kho kom zoo (ua nyob+ xav mu kho kom zoo) tiag tiag thaum ub tej lau cia li hai muam phauj (lo yog txiv dab laug) mu hais ib los lus rau ib yam li thaum kho 3 tag kis tag ces cais li kho xwb thiab tsis muaj ab tsis nyuaj. Tab sis feem ntau tej tub kis nyiam ua neeb mus khos nruab yeeb tag ces mam coj muam phauj thiab txiv dab laug mus hai ib los lus tom ntxas tag ce mam khos.

      Kev ua neeb mus khos nruab yeeb tag mam mu kho saum yaj yuav tau npaj li “Kho vim qiag nruab neeb nruab yiag” hauv qab no.

1.3. Kho vim qiag nruab neeb nruab yaig

      Kev kho txwv zeej vim qiag nruab neeb nruab yaig yog kho vim tej tub kis (lo yog tsev neeg) muaj mob muaj nkeeg thiab muaj dab ntub npau suav txawv es ntoj neeb nthuav yiag saib cuaj neeb kaum tsawv lo yeej hai tia yog tim txwv zeej. Yog thaum paub tia yog tim txwv zeej lawm ce thiaj yuav tau kho, kev kho vim qiag txog no yuav tau ua neeb mus khos nruab yeeb tag mam li mu kho saum yaj no.

     Kev kho vim qiag nruab neeb nruab yaig no tej zaum kuj yog txwv zeej muaj nas khawb qhov, muaj cag ntoos hlav mu nkaug, muaj ntoo vaus mu ntau, muaj tsiaj mu tsuj saus, muaj av pob ... ces thiaj lo qiag sawm yaj.

A. Kev npaj thiab ua neeb

     Kev ua neeb mus khos txwv zeej nruab yeeb nos tsis siv tsiaj, npaj xyab, npaj ntawv thiab xov txheej hlawv rau xwb. Cov nyiaj txiag xyab ntawv yuav tau npaj kom ntau thiab faib kom txhij txhua, thaum txiv neeb muab xov lo yuav hlawv mu rau, muab faib ua pawg raws li nram no:

  -          Npaj rau tu  txwv zeej (Ua yu yuav mu kho ntawv)

  -          Faib rau 4 tug txoov xob 4 ceg kaum ntuj

  -      Faib rau tswv teb tswv chaws

  -          Faib rau ob niam txiv zag laug (kav teb kav chaws teb chaws ntawm lub chaws txwv zeej nyob)

  -          Faib rau tim tswv zej zog, nroog, thiab xeev

  -          Faib rau dab tus coj tus ces kom dab toj roob hauv pes kom sawv daws nrog paub es khos tiav los lawv thiaj tsi lo ua plaub ua ntug rau txwv zeej xwb.

  -      Npaj ib lub me nyuam hleb (txua ib lub hleb me me) thaum ua neeb mu kho nruab yeeb tag, yog txiv neeb muab xov lo ces yuav muab hlawv rau tus txwv zeej.

  -      Npaj ib tug npuas (lo yog ib tug tsiaj lo ua zaub noj) tu tsiaj no tsis siv ua neeb yog npaj lo ua zaub xwb, npaj tau lo haj yam zoo npaj tsis tau lo cia li yuav nqaij yuav zaub noj xwb los tau, qhov no nyob ntawm tsev neeg xwb, npaj tau li ca ua li ntawv xwb lo tau.

B. Mu kho tom txas

    Thaum ua neeb tiav ce mu kho tom ntxas, tus txiv neeb, muam phauj thiab txiv dab laug yuav tau mu hais ib los lus tag mam kho, Cov lu yuav hais muaj li no:

        => Hais rau koj ... (Hais tu txwv zeej npe), kuv yog muam phauj / Txiv dab laug, kuv tuaj hais rau koj paub tia hnub no koj tub koj kiv yuav tuaj khos koj vag koj tsev rau koj (Vim ... yog lo qiag ce hai .. yog ploj lawm es mu khos lo hai, yog xav mu kho kom zoo xwb lo hai ..) es koj ua siab ntev nawb koj tub koj kiv yuav siv sij hawm 2 3 hnub kho koj vag koj tsev, es kom kho zoo rau sawm tub saum kiv, kho zoo rau saum muam phauj txiv dab laug, kho zoo rau sawm txiv neeb txiv yaig, kho zoo rau sawm neej sawm tsav, tsis pub fam rau sawm tub kis, muam phauj txiv dab laug, tsis pub fab rau txiv neeb txiv yaig, tsi pub fam rau saum kev neej kev tsav, tsi pub fam rau saum kev kwv kev tij nawb. 

        => Thaum hais lis no tag ces tus Txiv neeb, Muam phauj, txiv dab laug pib khawb thawj thawj hlau ua ntej ces mam tso rau cov tub kis khos kom tiav lawm xwb, yuav siv 2-3 hnub lo tau (Ntawm tu txiv neeb, muam phauj, txiv dab laug, tu twg hai ua ntej ua ntej lo tau, thaum hai tag tu twg pib ua ntej lo tau).

C. Thaum kho tiav

      Thaum kho tiav txiv neeb txiv yiag thiab muam phauj txiv dab laug yuav tau lo hai ib lo lus rau txwv zeej thiab hais ib lo lus rau tsev neeg tag ces kom tsev neeg hlawv xyab hlawv ntawv rau lawm xwb (Kev hais lus no muaj tej tug txawj zaj luag yuav hais ua zaj - Tab sis yog koj tsi txawj es koj hos raug thov mus ua muam phauj - txiv dab laug los koj paub li cas ces hai li ntawv xwb, Tshuav koj hais ib lo lus zoo xwb - ib lo lus zoo zoo tshaj seev ib zag).

      Thaum sawv daws hai tiav ce cse cawv rau tu tub kis ib leeg ib khob, ua koob ua hmoov xwb, tu hau taus lo haus tu haus tsi taus lo tub me me xwb.  

      Ce hlawv cov xyab ntawv ua npaj tau rau tu txwv zeej, nco ntsoov thaum hlawv xyab hlawv ntawv nco ntsoov hlawv ib qhos rau tim tswv teb chaws, thiab dab tus coj tus ces ua ntej, kom lawv txhob lo txeeb cov tub kis hlawv rau tus txwv zeej.

D. Tiam txiv neeb, muam phauj, txiv dab laug thiab kev neej kev tsav

      Thaum tiav lawm nco ntsoov lo tiam muam phauj, txiv dab laug, txiv neeb txiv yaig, thaib kev neej kev tsav. Ua ntej hnub tiav no tsev neeg yuav tau npaj zaub mov ua ntej txhawm rau yuav lo ua txiv neeb, muam phauj, txiv dab laug, thiab kwv tij neej tsa tsaug. Rooj mov ua tsaug no feem ntau yog ua kiag tom qhov chaws mu kho txwv zeej ntawv, tab sis yog tias thaj chaws ntawv tsis zoo rau zaub rau mov lo coj lo tiam tom tsev lo yeej tau tsis txhaum (Nyob ntawm seb tsev neeg npaj rau qhov twg xwb), tab si muaj tej tsob hmoob lawv kuj tsis pub ua rau tom tsev thiab.

1.4. Kho vim xav tshais lub txwv zeej mu rau ib qhos chaw tshiab

       Kev khos txwv zeej vim tso tau txwv zeej yuam kev chaws, lo yog tso tau phem chaws es ua raus tej tub kis muaj teeb meem tsis sib haum, tsis ua neeg zoo, tsis mloog lus, sib ntau sib tua, tshwm xeeb leej xeeb ntxwv lag ntseg, dig muag, ruam ... kev kho li no mas peb tsev hmoob vaj (Hmoob vaj ntxoo) no tsis tau kho dua ib zog lis, yog leej twg yuav khos mu rau seem no mas yuav tau mu sab laj rau cov xib fwb ua paub txog fab khos looj mem kho txwv zeej, Seb cov xib fwb qhia kom ua li ca ces ua raws li lawv qhia xwb.

      Hai txog ntawm qhov tshais lub txwv zeej ntawm ib qhos chaws tawm mu tsos rau ib qhos chaws tshiab, peb poj koob yawm txwv yeej tsis tau ua dua ib yam, yog xav ua txog qhov no lo yuav tau sab laj rau cov xib fwb ua paub txog kev tshem kev kho txwv zeej mu rau fab no. Tej poj koob yawm txwv yeej tsis tau tshai txwv zeej dua, Tab sis kuj kheev hnov lwm lwm xeem hmoob khos los lawm.

Qhia Kom Paub, Yawg Vam Lauj piav tias:

         - Ntawm kev kho txwv zeej no peb tsev hmoob vaj ntxoo (Noob Kooj Neeb) no ib txwm tsis siv tsiaj, tab sis muaj tej tsob hmoob lawv yeej siv tsiaj mu kho (Qaib, Npua, Nyuj) tab sis yeej tsis pub siv tus tshis, vim peb hmoob ntseeg tia tus mem toj thiab tu txwv feej yog zaj txwg zaj laug yog tus txawb, yog muab tus tshis lawm ces zaj tswg zaj laug yuav tsis txhawb lawm.

          - Yog lub txwv zeej ntawv raug pob (Toj pob, Zaj pob) mas thiaj siv tus tshis mu kho, vim tia yawm zaj laug ntshai tus tshis ces thaij muab tus tshi kho rau kom txhob pob lawm.

        - Yog tsis yog hmoob vaj lig kom txhob muab lub ntxas xov laj kab rau lo yog kom txhob ua vaj loog zeb (cement) thaiv vim tia yog ua li ntawv ces cov xeeb leej xeeb ntxwv tom qab ib tiam twg yuav muaj 1-2 tug raug txim raug nkuaj, yog twg hos xov lawm lo mu muab rhuav xwb (Xib fwb Yaj Vas keeb, thiab Xib Fwb As Xob Vaj lo yeej hais ib yam no thiab).

          - Ntawm kev puab kev kho lub ntxas ntawv yuav puab lub loj lub mes li cas lo tau, yuav ua tog taws siab, tog taub haus qis, yuav puab tog taub haus siab tog taws qis lo yeej tau qhov ntawv tsis txhaum ab tsi nyob ntawm nyiam xwb, tab sis zoo tshaj mas txhob puab lub muab xismas leem ntom ntis npog lub ntxa tag nrhos xwb (Nyob sab Meka teb hauv lub qhov ntxas luag yeej puab xis mas kaws ntom ntis, luag yeej ua txiag zeb khwb zoo zoo, tab sis sab nraum no ces yeej cog nyom ntsuab siab xwb, tseem tso daim txiag zeb rau lo tsua tso tsuam xwb, yeej muaj chaws dim pas) tej laus ntseeg tia yog tsis muaj chaws dim pas ces tsam zoo lis muab kaws lawm tsi tau chaws tawm ces lo ua mob ua nkeeg rau tej xeeb leej xeeb ntxwv no xwb. Qhov no nyob ntawm tu ntseeg muaj ntau tsob hmoob twb ua lo lawm kuj tsis muaj ab tsis thiab, tab sis ntxas suav, thiab ntxas nyab laj luag lwm haiv neeg lawv yeej tsis kauj npog tag nrhos, luag tshua ua suv kom loj thiab khos mam zoo rau xwb.